Adiriture! Ben po, graciis! Ma da rest, cuntune cjante come La canzone di Tom, no podeve no vignî fûr che…
Contis curtis di famee a Sant Andrât
E scomencìn vuê a presentâ une schirie di apontaments su la leterature furlane, lis contis, il nestri Ostîr, e la nestre Ostrarie.
Prin apontament de schirie al sarà pe rassegne “Cuatri cjacaris cul autôr” inmaneade de associazion culturâl Lidrîs Furlanis di Talmassons, che intal so incuintri cun l’autôr a fasarà cuatri cjacaris propit cul nestri ostîr, Raffaele Serafini, par fevelà des sôs ultimis publicazions jessudis tal 2015: Contis di famee, (ed. Kappa vu, Otubar 2015) e Soreli jevât a mont (ed. Forum, 2015).
L’event si tignarà inte Sale Civiche di Sant Andrât del Cormôr, joibe ai 24 di Març aes 20.30, e al sarà un spetacul fat sù parsore des contis curtis in marilenghe gjavadis soredut dal libri “Contis di Famee”, finalist al San Simon 2014, cun dongje dai tescj inedits dal autôr.
La sielte dal Comun di Talmassons no je fate a câs, stant la ambientazion e i personaçs des storiis contadis, che a van daûr des vicendis dal arbul gjenealogjic di une famee di chenti. La famee sarès di Talmassons, ma chest colp sin rivâts dome a imbrocâ il Comun… la prossime cuissà!
A cjacarâ cu l’autׅôr al sarà il scritôr Jacum Trevisan, fresc finalist dal concors In trâ riis e nestri preseât contecurtâr. Come par solit l’estri dal fidât Checo Tam metarà adun lis leturis senichis e tal mieç a rivaràn i imprevedibii intervents musicâi dai In 2 rive no tocje, (che nus presentaran cualchi cjançon dal lôr disc gnûf in jessude).
A impreziosî la serade, in bande di cualchi scrit che no si pues cjatâ tai doi libris e ae presince pussibile di ospits a sorprese (e un nus à za dât la sô disponibilitât, a vignarà lete une conte inedite in teme di Pasche, scrite di pueste pe serade. Serade che, colant di Joibe sante, e sarà in teme cui dîs de festivitât e ancje une buine ocasion par scambiâsi un salût prin de fieste.
Jentrade libare ma, come che e dîs la locandine, si pues lâ fûr dome dopo la… colombe!
Achì cjatais l’event su facebook par ducj i inzornaments su la serade e sparniçâ la robe.
7 comments
Lasse une rispueste
Dutis lis contis
Graziis di vêlu ancje fat savê vie mail. Dôs vôltis al é simpri miôr que une:-) Mandi.
Jaio
grassie Jaio! simpri presint e zentilissim, fossin ducj come te! 🙂
O varês vût propri tant gust vignî a sentius, ma o cirarai di consolâmi leint il libri. In bocje al lôf pal vincjecuatri. Bepi
o sai che tu sês cun nô in spirt 🙂
al à piês mandinus cualchi parint 😀
Gelo, a soi une vore curiôs di savê cemût ch'a je lade la serade a Sant'Andrat. Pene ch'a tu âs timp scrîf dôs riis. O stoi leint lis Contis di famee, e dî ch'a mi plasin un grum al è masse pôc. Cheste e je une opare leterarie pardabon. Bepi
grassie bepi! pardabon! al è un plasè savè che il libri ti plas in cheste maniere. o ai pardabon une vore di gust!