CDC02 – Gildo, il ros vier di tiere

CDC02 – Gildo, il ros vier di tiere

Gildo al jere dut ros, colôr di rose e cence braçs.
Ma al voleve rivâ in cime al Mont dal Taulîr, alt ben… sîs centimetris.
Che, par un vier di tiere, al è plui alt dal Everest.
I siei amîs lu menavin pal gurli e a ridevin cuant che al diseve ce che al voleve fâ.
«Tu? Lâ fin là parsore? Ma figuriti, tu sbrissis subit sore un grignel di rîs!».
Lui invezit nol scoltave e al lave indevant pai siei fats.
Al veve une vision: rivâ in alt e berlâ “O SOI CULÌ.”

Gildo al partì inte ore dal crepuscul.
Çatutis?
Nissune, si sa.
Dome pazience e une ustinazion che varès meretât il bati mans de stadi.
Al passà sot un clap.
E sore une poce di te dismenteade.
Al vignî fûr di un pic tacadiç.
Dopo trê dîs, al rivà.
La cime e jere plate.
Cidine.
Une vore grande.
Là, al tirà fûr dut il so cuarp slis e al vosâ:
«O SOI RIVÂT!».
Nissun lu veve sintût.
Fûr che une furmie poetesse che e passave di chês bandis.
Je i dedicâ un haiku:
“Cui che nol à gjambis / al va sù cun dut il so cûr / e al torne eroi.”
Velu, Gildo, che al gjolt la sô balade, chê che cjante la sô vitorie e il so coraç.

di Loreto (Pierina Gallina) – peraule clâf: Vier
#1889

1 comment