In chê volte il furlan al ere ancjmò doprât avonde e si podeve doprâ la lenghe ancje par la musiche,…
CC24Fevrâr#02 – Sut e sute
#02 – Sut e sute
– Vuê che al è biel sut – al pense Meni, sierade la puarte di cjase e cjalant il cîl di ca e di là – E je propit la zornade juste par lâ a vuaiâ inte vigne, che al è za un biel pôc che o smiravi di lâ. – O clamarai a judâmi mê cugnade Mariute, che e je pratiche avonde e i plâs lavorâ tai cjamps. E alore i pinsîrs di Meni a van a jê, restade vedue cussì zovine e che e je une femine che tu ti ziris ancjemò a cjalâle biel che e cjamine pe strade… E stant il fat che Meni al è ancjemò vedran, al sta pôc a vegnîi sù… l’apetit !
– Va ben, Mariute, ten ca lis fuarpiis. Tu tache di chê bande ca e jo di là; e dopo doi filârs o passìn cu la forcje pardut e o butìn sù dute la rabaldarie sul cjar. Va ben? Però biel che al è daûr a taiâ e a leâ, i cole saldo il voli su chel pet simpri in fûr e su chel culut taront cuant che jê si sbasse, e cussì… zac! Un biel tai tal poleâr! Cuntun blestemon al tire jù ducj i sants dal Paradîs! Jê invezit cu la sô calmute e tire fûr de borsete alcul, bombâs e cerot e si dà di fâ a medeâlu. Dopo lu cjale tai voi e i fâs: – E sì che par tiere al è dut sut e no si sbrisse… e dopo no tu si sês nancje visât di metiti su lis manecis…
E ce vuelistu che ti disi Mariute, o stoi deventant vecjo…
– Ma finissìn il lavôr, dai, che dopo ti ufrìs il capucin cu la paste creme.
– Ce bon chel capucin e chê paste creme! Graciis, Meni.
– Beh, ma se tu vuelis, a cjase o ai za pronts gnocs cul ragù, fertaie cu lis jerbis e formadi frant… Mi fasarès plasê se tu vegnis a gustâ ca di me, ancje parcè che no tu vuelis mai jessi paiade cuant che e tu lavoris par me.
– Va ben, Meni, anìn, cussì o viodìn cemût che tu ti le gjavis in cusine…
E cussì al va a finîle che ducj i doi, magari cuntune tace di vin di plui, ae fin a finìssin tal jet. Però a son simpri om e femine un ninin indevant cui agns che a tentin di fâ l’amôr dopo tant timp…
Alore dopo un pôc lui i fâs:
– Mi pâr che e sedi un ninin sute, sâstu, Mariute; no si pues magari metii une gotute di vueli o un cuadrel di spongje?
– E jê: – Benedet, par vê un bon tocj si scugne tignî cjalde la fersorie e messedâ spes la cjar!
E lui: – Par dôs oris?
Riduçant jê: – Ma no, dai, a bastin dîs minûts!
Dopo un cuart di ore il tocj al è ancjemò sut e l’om alore al siere cussì la cuestion: – Scoltimi ninine, al è inutil stâ a scjaldâ la fersorie e messedâ ancjemò la cjar, parcè che cumò la mescule si à pleâde dal dut!
di Renzo Turùs (Chel di Cormons)
#1539
2 comments
Lasse une rispueste Cancele rispueste
This site uses Akismet to reduce spam. Learn how your comment data is processed.
Scrivinus a contecurte[at]gmail.com
Jentre te Liste di Contecurte
Ultins coments
In chê volte il furlan al ere ancjmò doprât avonde e si podeve doprâ la lenghe ancje par la musiche,…
In chê volte il furlan al ere ancjmò doprât avonde e si podeve doprâ la lenghe ancje par la musiche,…
A son passâts pe Ostarie
Adelmo Della Bianca Alessandro Valoppi Alessia Meacci Alessio Ecoretti Angelo Floramo Barbara Battel Bepi Zefon Carli Pup Cecilia Liva Checo Tam Christian Romanini cjadenedicontecurte Covidcurte Day Cristina degli Uomini Davide Peressoni Di Suald DoneBete Dree Venier Eduart Baschera Egle Taverna El Fari Eline Enrico Tomasi Eowin Fantacorsecurte Ferdinando Passone Francesca Giorgetti Franco Marchetta Franco Vigo Frank Spada Fuguline Fulvio Romanin Gaetan Cogôi Galliano di Buenos Aires Gianfranco Pellegrini Gianluca Franco Giuliana Pellegrini Guido Covàs Isa Dorigo Ivano Urli Jacum Tiburzi Jacum Trevisan Jaio Furlanâr Javier Moscufo L'Antescûr Laura Dri Laurin Zuan Nardin Lenart Gjavedon Leonore Lorele la Morete Luche Bagnarol Luciano Marinig Lupo Manarie Maghe Olstrele Marcello Marangone Marcelo Del Mestre Margarite Cogôi Maria Veronica Moscufo Mario Facile Marisa Gregoris Mariute Massim Furlan Massimilian Glîr Maurizio Di Fant Maurizio Mattiuzza Michele Vuardianut Calligaris Michêl Londar Milio dai cjans Nello Malisano Nene Furlane Noemi Salva Norma Romotowski O. Zete Pablo Gortan Passadôr Patrizia Torossi Pauli Fantini Pauli Jacuz Pieri Moràs Pierina Gallina Plume di Ingjustri Rafaêl Serafin Renzo Brollo Renzo Turùs Ricardo Gregoretti Ricart Tiburzi Rudy Citòs Sandri Carrozzo Scoltecurte Silva Ganzitti Spirt Anonim Stefano Gasti Stefano Lombardi Stiefin Asquini Stiefin Morat Stiefin Stefanut Stralunade Tiziana Novello Tommaso Pascolo Zorz Cesaratto





Meni , pree il Signôr che le mascule e resti irrigatorie, che se no ti si sglonfin i pîts. Lussian