CC24Dicembar#05 – Alison e Dave

#05 – Alison e Dave

Il colòr dal timp al e di mil colòrs,
color di flamis, dal aur e dal arint,
di crùt disordin e di altis cjantis, di soreli e di gnots.

“Spiete, no stâ fâ di corse, polse cualchi dì e cussì tu pensis miôr.” Chestis lis peraulis di mê mari e i siei cjavei a cjapavin dì par dì il colòr dal arint. Jo no vevi voie di spietâ, volevi lâ vie di corse, cjapâ sù dut e vie ator pal mont. Jo viodevi vert di sperançe, mi spietavin robis bielis e o savevi di dâi peit a rive. No vevi fastidis, viodevi il ros e il sâl de fuarce e de voe di fâ. Ma la mame e il pai a mi viodevin come une pagjine blancje dute di scrivi o come une gnot nere scjafoiade dai penseirs. Clâr, a no savevin se che mi sarès susedut ma, fos stât par lôr, a sarès stât miôr restâ imberdeade intal grîs dran dran di ogni dì.
Ven a stâi che te Istât dal 1980, in grave sul Tiliment, par ca di ca de aghe, i cognòs Dave, che sô mari e veve mandât chi di so barbe Bruno, prime di iscrivilu al College di Epping. Là ant veve cumbinadis plui che no magari. Al lave vie cuinsât come un cjaliâr e ducj a nus cjalavin mâl. Fevelin par ingles e furlan, cjantin e sunin. Jò une vos di fa poure e lui stîl e bulo di sunâ il punk rock.
Istât 1980, soi partide cun lui.

Alison Moyet

di Laura Dri (Bultrik)
#1822