Biele! Jo par pensâ a la muart o scolti You want it darker di Leonard Cohen
CC24Otubar#26 – Cunins cence confins
#26 – Cunins cence confins
Cemût isal scomençât dut? Walter nol savarès spiegâlu. La situazion politiche internazionâl si è savoltade in mût impensât. Nazions che in aparence a someavin pacifichis, tes stanziis dai botons a àn strenzût aleancis cun stâts canaie. Il Friûl al è in pericul di invasion de bande dal Nord.
Al è incredibil cemût che la ment umane si use ai moments di crisi. Cumò viodi mieçs blindâts a cori su la Pontebane, su la Napoleoniche, su la Ferade a Walter i somee une robe normâl. Si sintin esercitazions tes gravis e tai magrêts. Lis casermis, bandonadis di trente agns, a son stadis comedadis e lis camaradis a son plenis.
A son chi par difindinus, al pense, ma chês strategjiis i somein aromai vecjis. Cumò la vuere si le fâs cun drons e mieçs satelitârs. E di fat la resistence dai talians a dure pôc, e il Friûl al ven invadût.
Walter al met un pôcs di vistîts e di robe di mangjâ intun russac e al va vie pai trois. Al provarà a cîrî cualchi puest par passâ il confin a soreli jevât. Prin di partî al lasse libars chei pôcs cunins che al tignive tal pulinâr vecjo di sô mari. “Ancje lôr a meretin une pussibilitât”, al pense.
Tal bosc la gnot lu involuce cul so vilût neri e lu tapone. Al va indevant a cjaminâ, simpri cul scûr, par tantis gnots. I pîts i fasin mâl e ancje la robe di mangjâ e je pocje, nol sa trop che al pues resisti. La strade e je dute claps e busis.
Finît il mangjâ, i reste dome un sclip di aghe. Si strissine ancjemò, cumò al à lis tarlupulis, e cu lis ultimis fuarcis al rive intun prât plen di rosis di mil colôrs.
“Ah ce biel puest par murî!” al pense, e al cole in svaniment. Ce che al sucêt dopo, lui nol è bon di sclarîlu. E je une liende suntune schirie di cunins blancs che a saressin i vuardeans di chê piçule valade, ma lui si vise e no si vise di vêju viodûts. E chê crepe di muart che un di lôr al ten cu lis çatis, ce vuelie dî? Plui innà dal orizont, un cîl di stelis lu cjale, come une promesse. E la matine dopo si svee par di là dal confin.
di Stralunade (Muspilli)
#1795
Notis: Opare di Lorenzo Vale
4 comments
Lasse une rispueste
Dutis lis contis
No cjati le clâf juste par vierzi cheste puarte, ma cence altri mi immagjini che ten sierâts dai granci valôrs. Lussian
Un colpo di cannone durante un’esercitazione militare, che con il vento in direzione sud ha fatto avvertire il boato, fortissimo, in diverse zone del Nordest e scatenato forte preoccupazione tra i cittadini.
La spiegazione è arrivata in breve tempo. Come hanno chiarito le forze dell’ordine, si è trattato di un’esercitazione militare, i cui suoni dei colpi sparati sono stati portati dal vento fino alla pianura bassa a causa delle correnti che ieri soffiavano verso sud. In questi giorni, favoriti anche dal bel tempo, sono in corso diversi addestramenti dei militari di stanza nella provincia di Pordenone.
In particolare, nella giornata di martedì 12 novembre erano tre i reparti impegnati in attività di esercitazione nell’area del poligono Cellino Meduna. Un colpo di cannone partito da un carro armato durante le simulazioni di operazioni militari ha provocato il che si è propagato fino a raggiungere la pianura.
Vada pure per il boato, purche l’ essenza non vada sul pollaio come anni addietro. Lussian