CC24Otubar#21 – La gjatute sul cussin

#21 – La gjatute sul cussin

Cheste e je le storie vere che e je capitade no tancj agns indaûr a un zovin di Pradaman. A chest zovin o podaressin clamâlu Pieri.
Cuant che il nestri Pieri al jere piçul, al veve pôre del scûr. Al veve tante pôre che nol rivave nancje a indurmidîsi di bessôl.
Sô mari e so pari no savevin ce fâ, fin tant che i vignì la idee di adotâ une gjatute.
Dilunc di tancj agns il nestri Pieri al durmì trancuil e beât parcè che al saveve che la gjatute i faseve compagnie. Se al veve pôre, al slungjave la man sul cussin e la gjatute e tacave a lecâle fin che no si indurmidive.
O passarin i agns, il nestre Pieri al durmive simpri cun la sô gjatute dongje di lui sul cussin a lecâi la man prin che al s’indurmidìs.

Ma une gnot e rivà la notizie che la serial killer Amanda e jere tornade in Friûl.

La int e veve pôre, ma no il nestri Pieri. Chê gnot al durmì tant che une glîr cu la gjatute sul cussin. Cuant che si sveà si sorprendè che la gjatute e ves continuât a lecâi la man dute la gnot.

O almancul cussì al crodeve. Al vierzè i voi e al viodè la gjatute muarte patoche sul netepîts. Sul so cussin e poià il cjâf une femine discognossude che e leve indevant a lecâi la man.

di Francesca Giorgetti (Daisy)
#1790

Note: opare di Dino Basaldella (Il gatto, 1965)

2 comments