Biele! Jo par pensâ a la muart o scolti You want it darker di Leonard Cohen
Une conte par Nadâl, e une domande
Provìn a imagjinâ di jessi une altre volte là, sù sul Golgota, e di sintî une vôs che prime nus spieghe l’antefat (cemût la crodince e à volut contânus) e dopo il fat (che al inzorne l’antefat secont une volontât che il fi dal Creadôr si è proponût come variant par judânus): un sacrifici gjenerôs, proviodût par meti in sene une gnove storie denant al mont, par liberâlu de soference dal sintiment di colpe rinovât tai secui cuintri l’uman destin, e la reson che nus tormente, e i pinsîrs imberdeâts ator dal sens di vivi, e la muart – che nus spiete di subite da la vierte de infanzie, slargjant i voi sul destin.
E Lui, il predicjadôr, tornât achì une seconde volte par judânus, che si è inclaudât di bessôl, prime i pîts, e chê man a çampe dopo, denant di nô e martielant i clauts cuintri la crôs, e ta l’ultin a nus domande di bati l’ultin claut, fûr par fûr, traviers chê man che nus lasse benedîts cul segn de Crôs. E alore, cristians – agns daûr i mês, fra cualchi dì Nadâl –, parcè no inclaudâlu subite sul tronc da l’arbul, chel frutut rivât dal cîl daûr di une comete, prime che al deventi om misericordiôs par perpetuâ la umane soference par dibant (o isal miôr lassâlu inte stale cun sô mari vergjine e un pari che nol è so pari, e continuâ a ornâ lis ramascjis di balutis maludint il mont che al va indenant istès)?
di Frank Spada
#90
#90
1 comment
Lasse une rispueste
Dutis lis contis
Justamentri o sin tal mês des stelis filants e forsit il nedâl al varès di sei al mês di avost Gjotto cui soi colôrs s'al é il prin a vê mitût une comete sôre dal stâli forsit lu pensave.
Le vergjine mari e il vecjo pari di sigûr no saressin contraris, tant le storie a é scrite ma cuissà se cumò nol ven fûr cualchidun par podê riinventâle par fâ une altre conte?
A mi mi plâ bielzà chê chi