Desideri

Mi visi di chê volte che o jeri vignût a cjatâti, aromai tancj agns indaûr.
Tu sopressavis.
Tu vevis intor dai shorts. Al jere cjalt. Istât. E jo ti cjalavi lis gjambis.
Mi jeri inacuart che tu ti jeris dismenteade di taiâti un çuf di pêi. Alore, il diaulut che o vevi in me mi soflave alc inte orele. Mi diseve di domandâti rasôr e savon par vê l’onôr di finî il lavôr.
Ma dopo ve che e cjapà il sorevint la part plui serie di me e o lassai colâ la robe.
Miôr cussì. Ma cuant che, plui tart, o jeri su la puarte par saludâti ti vevi strenzude fuart par cualchi istant e ti vevi cjareçât i cjavei.
No podevi lâ oltri.