CorseCurteAvrîl#17 – La bestie dal gno barbe

#17 – La bestie dal gno barbe

“Barbe, di dulà che e ven cheste bestie?” Al domandà il nevôt intant che al cjalave cun voi vierts il tapêt sul mûr te sale.
“Ma, ce domandis fasistu fantat!!! Cjape une cjadree e stami a sintî…”
Il barbe Sidamo al scomençà a fâ la conte.
“Cuant che o jeri a stâ in Argjentine, o soi lât a cjace, cun Berto, il gno cugnât  e il fi Juanca.
Come chê gnot e jere masse frede il Berto al dîs di lâ prin tal bar rurâl a bevi un bussul di sgnape. Intant che al fevelave, si sintì il rumôr di une machine che e vignive a une grande velocitât. A jerin il Bepo e il Renato che premurôs a vignirin jù dal veicul cuntune muse spaventose. Nô o lerin subit a viodi ce che al jere sucedût ma il Bepo, che nol rivave cuasit a fevelâ, cu la vôs tremante al contà che intant che a jerin cu la sclope pronte di front ae tane da lis ” vizcachas”, e vignì fûr une bestie fuarte e grande come un leon e che lui, cence nissun pinsîr tal cjâf, al fasè une sclopetade…  e boon!!! E colà muarte la bestie!!! E cuntun tîr de sclope la cjace e jere finide… A àn cjapât su lis spalis la bestie e le àn metude sul camion. E a son partîts par lâ te ostarie.
Jo no ai mai viodude une bestie propit cussì!!!
Il Berto al disè: “Anìn, anìn ducj dentri te ostarie e brindìn ae salût di voaltris”. Intant che al fevelave, di daûr dal bancon dal bar a vignirin fûr doi cjans che a vevin nasât l‘odôr de bestie dal vistît dal Bepo. Fasint un berli di pôre, “che mi mangjin i cjans”, l‘om al fasè partî une ridade ae int de ostarie. Cemût al podeve vivi un brut incident e copâ un puma, par vê pôre di doi cjans di cjace?
Doi dîs dopo nô o vevin mangjât la cjar dal puma cun polente e vin ros.
Il tapêt al è ca parcè che mal vevin regalât e cussì lu ai puartât cun me cuant che o soi tornât in Italie.”

di Cristina Degli Uomini (Lune Platade)
#1248

2 comments On CorseCurteAvrîl#17 – La bestie dal gno barbe

Leave a reply:

Your email address will not be published.

This site uses Akismet to reduce spam. Learn how your comment data is processed.

Pît di pagjine dal sît