La conte misteriose (16): Il gjornâl gjornalmentri

Un siorut al cjape il curiero dopo vê comprât il gjornâl e vêlu metût sot il braç. Mieze ore plui tart al dismonte cul stes gjornâl, sot dal stes braç.

Ma nol è migo plui il stes gjornâl, cumò al è un pac di cjarte stampade che il siorut al bandone suntune bancjute de place.

Pene che al reste di bessôl su la bancjute, il pac di cjarte stampade al torne al trasformâsi intun gjornâl fintremai che no lu viôt un fantat, lu lei, e lu lasse trasformât une altre volte intun pac di cjarte stampade.

Pene che al reste di bessôl su la bancjute, il pac di cjarte stampade al torne a trasformâsi inmò une volte in gjornâl, fintremai che une vecjute no lu cjate, lu lei, e lu fâs deventâ un pac di cjarte stampade. Po dopo lu puarte cjase e dilunc la strade lu dopre par involuçâ un chilo di cartufulis, propite la robe che a coventin i gjornâi dopo i maraveôs cambiaments che o vin pene dite.

• 

  gelo has written: 25 di Avost dal 2015 at 10:58 PDM Rispuint

  ca nissun al induvine… un piçul jutori: e je une conte di un autôr dal sud americhe
• 

  Anonimo has written: 25 di Avost dal 2015 at 9:57 DM Rispuint

  Di non, al è Julio…

  X
• 

  gelo has written: 26 di Avost dal 2015 at 8:37 PDM Rispuint

  e mi sa che il nestri mister X a la sa…
• 

  Anonimo has written: 26 di Avost dal 2015 at 12:07 DM Rispuint

  Contàzar…
• 

  gelo has written: 26 di Avost dal 2015 at 12:12 DM Rispuint

  Contàzar invezit di Cortazar al è gjeniâl 😀
  E just!
• 

  Anonimo has written: 26 di Avost dal 2015 at 4:46 DM Rispuint

  Alore no ducj i svaris a vegnin a câs, Contàzar a è cuasi Contecurtâr . Vîno di notâlu a Contecurte ?
• 

  gelo has written: 26 di Avost dal 2015 at 4:55 DM Rispuint

  fate! i telefonistu o jo 🙂
  ma isal vif 😀
  in ogni cas, induvinade
  Julio Cortazar, al è l'autôr
• 

  Anonimo has written: 27 di Avost dal 2015 at 5:02 DM Rispuint

  Telefonât, rispuindût San Pieri, no i à dât il permès..