PolseCurte di Avost

O sin ai 13 di Avost e cun doman, se dut al va ben, il nestri Ticât dai Mus al sarà a Radio Onde Furlane, tor 9 e mieze, a spiâus cui che al è prin cul mês di Lui e cemût che e procêt la classifiche gjenerâl de CorseCurte24 e dal FantaCorseCurte.

Ven a stâi che vuê al è l’ultin dì par votâ al FantaCorseCurte, spesseait se o sês restâts indaûr e votait a câs che al va simpri ben.

Cun di plui, us vin pene dit che ai 29 di Avost o tornìn in cjar e vues e cundute la clape de Ostarie, o cuasi, o puartin Zaraton a bevi une bire a Udin… mighe nuie.

In sumis… l’Ostîr al è ancje un pôc strac e al è dit che si cjape cualchi dì di polse, de Madone di Avost a domenie ai 25, che al doprarà par stracâsi inmò di plui, ma tant al è. Us lei, ma se no us rispuint subit come simpri, puartait pazience… Da rest, voaltris mus il teme pe CorseCurte di Avost lu vês, e par chei altris la pagjine in cjar e vues e je plene di robis di lei e di cjalâ ancje pene metudis.

Mandi a ducj, e si sintìn cu la ultime setemane di Avost e magari si viodìn a Udin a bevi cun Zaraton.

2 comments