Zaraton al Nuovo Gambrinus

Ve ca, che subit daûr di vê cjapât cualchi dì di polse, de Madone di Avost a domenie 25, o tornin nuiemancul che in cjar e vues!!!

Eh, sì, stant che in cunvigne cu la Kappa Vu e cu la poie dal Birra-store di Udin, ven a stâi chei che al è il Nuovo Gambrinus, in viâl Vat, o metin adun il spetacul di ZARATON, il libri dal Ostîr che aromai o cognossês. E se lu vês let ma no vês mai viodût il spetacul, vês di vignî. Se no lu vês let, vês di vignî. E se o sês za vignûts a viodi il spetacul, vignêt istes, stant che al cambie ogni volte.

E joibe, ai 29 di Avost, tor lis vot e mieze sot sere, ma cence premure di scomençâ, o sarin in vore intune biele grampe de nestre Ostarie a contâus la storie di Friûl, dulà che ducj chei che o cognossês… a morin. Po bon… cuiets, no je dramatiche. Anzit…

Us lassìn ca sot la version provisorie de locandine e se o volês podês scjamâle ancje in formât pdf (2024_08_29_ZARATON al Gambrinus). Lu savin che je un pôc fate in premure, ma le comedarìn cuant che o vin un sclip di timp… Tant ce che al è di dî si capìs ben.

Si viodìn joibe ai 29, a bevi une bire a Udin!

1 comment