Contecurte Day – La disfide

Udin, ai 5 di Avrîl dal 2016
Sala Corgnali – Biblioteca Joppi

Il 2016 al è stât l’an dal prin Contecurte Day e si visin che la robe, fate a Listize a Zenâr, e jere vignude cetant ben che cuant che Marc Stolfo, par cont dal Comun di Udin, nus à proponût di meti in sene alc di simil propite in the city (di simpri avonde alergjiche a la furlanitât) o vin dite subit di sì, e o vin pensât une robe. Parcè no proponi un svindic des contis, doprant cuasi dutis chês che a vevin partecipât al prin Contecurte Day e tornant a viodi – cuntun public diferent – cemût che e van lis robis.

Al è stât il batisim de nestre Massarie, che l’Ostîr al à pensât ben di tirà dentri tal progjet, e cu lis leturis di Checo Tam, di Lussia, de Massarie e dal stes Ostîr. Ai Efiets speciâi, il Cjantôr Bizio Citos.

Vin di dì che, purpûr des 12 contis letis e de lungjece de robe, l’event di chest martars di sere (18.00) al è forsit tra i plui partecipâts che o vin rivât a inmaneâ te Cjapitâl e al è stât divertent viodi che no je lade come tal prin Contecurte Day. La int e à preseât altris contis, e il podi dal event al è stât dal dut savoltât. Si sa… la leterature e je ancje cuistion di savôrs, e cheste e je stade une buine maniere par viodi cemût che il public al sedi part rilevante dal nestri event plui impuartant dal an.

Riferiments

1 coments On Contecurte Day – La disfide

Scrîf un coment

This site uses Akismet to reduce spam. Learn how your comment data is processed.

Pît di pagjine dal sît