ScueleCurte_Siencis11: Il lôf

Il lôf cul golâr “ Io sono Friuli Venezia Giulia”
Cuant che Hubert Potočnik e i siei colaboradôrs a meterin un golâr a un lôf che al jere dongje Triest , tal Lui dal 2018, si spietavin di viodi  un mascli di lôf (batiât dai studiôs cul non di Slavc) che al marcjave il teritori, robe che e je sucedude par sîs mês.  Ma ai 19 dal mês di Dicembar, la bestie si jere spostade a nord, par 25 chilometris dal so teritori dongje Vipac e e jere jentrade tal curtîl di une cjase, tant che Potočnik al pensave che  a vessin copât Slavc.
Par fortune la realtât e jere une vore plui biele e emozionant: il nestri amìl ôf di fat si jere metût in modalitât “dispersion”; ma viodìn in detai il viaç in incognite di chel ziremont di Slavc.
La dispersion:
O vês di savê che tra i dîs mês e i doi agns di vite i lôfs a lassin il lôr trop di divignince e si spostin di bessôi. Chescj spostaments in solitarie  a cjapin il non di  dispersione alore corîn daûr ae dispersion dal  nestri cjâr lôf.
La prime zornade Slavc al dopre fintremai un passaç pedonâl par traviersâ la autostrade slovene. Daspò al va indenant par une strade di jentrade par passâ sot la A3.  Cuant che l’ultin dât  dal GPS de zornade al segne la jentrade intun curtîl, Potočnik al pense che a vedinc opât la bestie, invezit il lôf solitari, te buinore dopo, al ripie il viaç.
Dopo vê passât il confin cu la Austrie, ai 29 di Dicembar, Slavc al tache il gnûf an cuntune mosse di ors polâr. Nol viôt puints e alore al travierse la Drava glaçade intal toc che je largje ben 280 metris.
Dopo diviersis zornadis  la temperadure e tocje i -15° C e il nestri amì si fâs strade cun tante fature tra sîs metris di nêf par superâ un pas di mont a 2600 m di altitudin.
Ai 4 di Fevrâr Slavc al smuce fûr dongje al paîs di Dobbiaco, inte zone schiistiche di Seso. Inte plombe de gnot, daûr de telesente, al viôt un cjavrûl e lu cjace par cenâ. Dopo  cinc dîs al torne  tal stes puest, par finî di mangjâ la bestie e al rive a cjaçâ un secont cjavrûl.
Intal mês di Març il lôf al salte jù in un paradîs di coloniis e vignâi dongje Verone. Culì si ferme par 27 zornadis, forsit sedot dal odôr di altris lôfs fers intun parc privât e dopo al ponte viers nord e al rive intal Parc regjonâl dal Lessina. Culì al cjate Giulietta une femine de popolazion alpine. Di chê volte la cubie e a vût 16 piçui.

Materie: Siencis
Mês: Novembar
Prof. A.M.

(Cheste biele storie e altris une vore curiosis lis cjatais tal libri “L’atlante della vita selvaggia di  J. Cheshire e Oliver Uberti”)