Musiche furlane e fantasimis gjaponesis!

Si puedial meti dongje musiche e leterature? Sigure. Chest lu savìn. Ogni cjançon in efiets e je musiche cun dentri un pocje di leterature. E ancje ogni conte, baste leile a vôs alte, si capìs che e à dentri un biel pocje di musiche. E fin chi dut ben.

Ma si puedial misturâ leterature curte par talian e cjançons di autôr par furlan? E magari meti dongje un biel pôc di Gjapon, di fantasimis, di poesie, di tradizions e vie… ancje di amôr, za che al cole ben. Chest, in efiets, nus pâr za plui dificil, soredut se si proponisi di fâlu intune sole serade.

Ben po, VINARS AI 14 DI FEVRÂR, li dal nuovo Gambrinus, in viâl Vat a Udin aes 20.30 sot sere, si cjatin chei doi sfolmenâts di Alvise Nodale e Raffaele Serafini (sì, il nestri Ostîr) par meti dongje – se a rivin – dutis chestis robis. Se o vês bielzà scoltât il disc di Alvise, Gotes, (ve ca, par cjoiulu) e se o vês za let i libris ItalYokai, di Rafaêl (ve ca, par cjoiu) o sarês une vore seneôs di viodi ce che al ven fûr.

Cun di plui, par fâus gole, us visin che il disc di Alvise al bielzà vût une vore di ricognossiments, e i libris di Serafin, i prins par talian, a no son ancjemò mai stâts presentâts, ma a son rivâts ancje al nr 1 de classifiche Amazon di gjenar.

Se o volês savê miôr ce che a fasaran… no podin ancjemò dîlu, parcè che…. No lu san nancje lôr! Ma o sin vonde sigûrs che al sarà miôr vignî a viodi chescj doi ca, pluitost che mufulisi il cûl sul divan cjalant Sanremo, o lâ a finîle par inneâsi inte mîl dal iperconsumistic San Valantin. Da rest, une buine bire, cuinçade di musiche e leterature