Corse Curte – Il Regolament

REGOLAMENT

DENTRI DI OGNI FIN DAL MÊS SI À DI SCRIVI UNE CONTE CURTE DI MANCUL DI 2000 BATUDIS, COMPRENDÛTS I SPAZIS.

LA COMPETIZION E JE VIERTE A DUCJ, ANCJE A CHEI CHE NO SON USÂTS A SCRIVI PAR FURLAN. L’OSTÎR AL DARÀ UNE MAN INTE GRAFIE.

A INIZI MÊS AL VIGNARÀ DÂT UN TEME GJENERIC; OGNI MÊS AL CORISPUINT A UNE ZORNADE DI CAMPIONÂT, TANT CHE IL BALON.

UNE JURIE TECNICHE (RAFAÊL SERAFIN, ZUANLUCHE FRANC, CARLI PUP) E VALUTARÀ LIS CONTIS E E FASARÀ LA CLASSIFICHE. LA ULTIME CONTE E CJAPE 1 PONT, LA PRIME I PONTS DAL NUMAR DAI PARTECIPANTS, PLUI 1 DI BONUS.

LIS CONTIS A VIGNARAN PUBLICADIS SUBIT SUL SÎT DI CONTECURTE E LA JURIE DAI LETÔRS E VARÀ TIMP FIN AI 15 DAL MÊS DOPO PAR VOTÂ LA CONTE CHE I PLÂS DI PLUI, CHE E CJAPARÀ 3 PONTS (1 IN CÂS DI PARITÂT). CUI CHE AL VOTE CUNTUN COMENT E LU FIRME AL PARTECIPE AL FANTA-CORSECURTE.

NOL È UN OBLIC, MA AL SARÈS BIEL CHE I CONCORINTS A LEIESSIN LIS CONTIS DAI AVERSARIS E A VOTASSIN ANCJE LÔR, TANT CHE LETÔRS.

AI 16 DI OGNI MÊS LA CLASSIFICHE GJENERÂL SI INZORNE METINT DONGJE JURIE TECNICHE E LETÔRS. OGNI STAGJON – INVIER, VIERTE, ISTÂT, SIERADE – E VARÀ IL SO VINCIDÔR. INTAL ZENÂR DAL 2023 AL VIGNARÀ PROCLAMÂT ANCJE CUI CHE AL È IL CAMPION DAI CAMPIONS DI CORSE CURTE.

PAR PARTECIPÂ SI À DI SIELZI UN NON DI GARE (P.E. DINAMO DINDI, ATLETIC RINDUL, REÂL PICJECJACIS, PALISSE UNITED E V.I. …) CUSSÌ CHE NO SI INFLUENCE I LETÔRS E SI DIVERTISSISI DI PLUI. DOPRAIT LA FANTASIE!

SE UN CONCORINT NOL CUMBINE A MANDÂ LA CONTE, NISSUN FASTIDI, TA CHEL MÊS NOL CJAPARÀ PONTS.

LA CONTE E PUES JESSI PLUI LUNGJE DAL LIMIT, MA OGNI 100 BATUDIS IN PLUI SI PIERT UN PONT.

SI PUES JENTRÂ IN GARE ANCJE A CAMPIONÂT ZA TACÂT, SCONTANT IL PRESIT DI JENTRÂ CUI PONTS DAL ULTIN IN CLASSIFICHE IN CHEL MOMENT.

I PREMIS PAI VINCIDÔRS – FINÂL E DI STAGJON – A SARAN DISVELÂTS DI MAN IN MAN. IL CAMPION DAI CAMPIONS DI CORSE CURTE AL VARÀ LA CENE PAIADE INTE FIESTE FINÂL CHE O FASARÌN TAL ZENÂR DAL 2023

CORSE CURTE E SOMEE UNE COMPETIZION, MA AL È UN ZÛC, UNE MANIERE DI TIGNÎ VIVE LA CREATIVITÂT E LA MARILENGHE, PAR SBURTÂSI A SCRIVI CONTIS E CJAPÂSI IL GUST DI FÂ ALC DI BIEL INSIEMI.

 

E il teme par il mês di Zenâr al è…

Par cumò lu spiin a cui che si iscrîf! 🙂

(Ma ca di cualchi dì lu scrivarin achì!)

__________________
Discjame il regolament in pdf
Discjame il regolament in pdf par talian
Discjame il regolament in pdf par spagnôl 
Discjame il regolament in pdf par inglês

E se tu âs dubis, lei lis domandis e lis rispuestis 

1 coments On Corse Curte – Il Regolament

Scrîf un coment

This site uses Akismet to reduce spam. Learn how your comment data is processed.

Pît di pagjine dal sît