CC26Novembar#09 – Il lôf blu

#09 – Il Lôf Blu

Lu sint, lusint dentri vie.
Lu nulìs.
Il blu dal neon al cjarece la stanzie cun me distirât sore une brande che e ciule a ogni gno suspîr. Jo, mecanic, o ai onzût cun minuzie ogni sfrido, ogni rusin de mê anime tacade dal mâl, ma dibant.
Lu sint, lusint che mi cîr.
Prime lis gnots a jerin calmis, o lis cuietavi cuntun pôc di alcul. La vite no va, come la aghe, simpri drete pe cumierie. Bussadis di zoventût, promessis pierdudis, mi cerclin il cjâf, o ricami parsore… e chel internet che mi stupidis di videos e peraulis come un strion.
Lu sint, o sint il so flât pesant.
Mi cridavin che jeri un bon di nuie, e lis puemis no savevi sielzilis, ma no soi stupit come che a disin, che o ai sotetât par ben, plui di cualchi lengate.
Lu sint, covât dongje, il lusî dai dincj come lamis.
Amôrs, afiets volevi ben a ducj, ma o vevi la anime di len.Dopo no ai pensât plui. O ai dât la pae ancje a cui che nol mertave. Lôf blu, sbreghe il gno cûr tu!
Slidrise il gno rancôrpar che nol puarti plui dolôr.

(A dutis lis muarts inocentis di chescj ultins timps)

Materie: Siencis
di …
#1972