IL MENU par LEI PAR FURLAN – Gnove Version

Mandi a ducj!

Ma lu savêso che imparâ a lei par furlan… nol coste nuie?

Stant che l’Ostîr al è daûr a meti adun un piçul laboratori di furlan par frutins, al à tornât a meti sot man un document vieri che o vevin fat une volte e za che al jere lu à inzornât sedi tai contignûts (pôc) sedi te grafiche (un biel pôc).

Di ce si tratial? Duncje, o scoltin avonde di spes a sintî a dî che scrivi par furlan al è dificil, e fin chi o puedìn ancje jessi dacuardi, ma no sin di chê idee cuant che o sintìn dî che ancje “lei par furlan” al è dificil. 

No je vere! Lis regulis che a permetin di lei par furlan in maniere corete a son pocjis e daspò e je dome cuistion di pratiche. Sì che duncje lis vin metudis dentri in chest document, un biel MENU che us lassìn ca sot, sedi in version imagjin, sedi di podê scjamâ in pdf.

O vin metût, ancje i presits, e come che o vin dite… imparâ a lei par furlan nol coste nuie!

Discjame il Menu PAR LEI PAR FURLAN

Discjame il Menu PAR LEI PAR FURLAN cul sfont blanc di stampâ