CC24_La classifiche di Novembar

O sin un pôc luncs cui timps, ma un zurât al jere stât tibiât di un mus, un altri al jere colât tal seglot de blede e l’Ostîr si jere pierdût par lis stalis a netâ e meti a puest prin de ultime tape che a decidarà ducj i verdets. Si che duncje…

Ve le ca, tant par tacâ, la classifiche di Novembar che e à dentri plui di cualchi soprese:

1. E à vinçût la tape une musse che e jere di mês in forme ma no veve vinçude mai nissune, ven a stâi… Teresine la çuete!
2. Brene Sfolmenade e je tornade a sfolmenâ… di gnûf sul podi!
3. Catine la Nere, al veve di capitâ, e je sbrissade, posizion nr 12 pa jê!
4. Mus che a someavin stracs a àn vût un colp di çocui e a son tornâts tes primis posizions de tape, come Muspilli, Bultrik e Incocalît!
5. Colade rovinose di Torototele, che al à pensât ben di cjapâsi nuiemancul che l’ultin puest!

Nus pâr avonde par restâ a scocolâ i voi e pensâ al finâl che al sarà dut altri che scontât.

Nus è scjampât il sfont vert… ma puartait pazience. A ca ancje i colôrs a scomencin a dâ i numars. E daspò di cheste incredibile tape di Novembar, vele la classifiche gjenerâl… dulà che al pareve dut decidût e invezit, il vincidôr al è inmò di sielzi… Son doi mus a zuiasâle!

E tant par restâ cul flât te gose, ve che ancje tal FantaCorseCurte, no si pues dî il vincidôr. Muspilli al à sielzût ben, ma la Gjatemarangule i à recuperât cualchi sbit di ponts e cu la ultime votazion dut al podarès capitâ… Vele ca la classifiche!

E in sumis… o sin ae ultime tape, e la Corse Leterarie in lenghe furlane plui mate di simpri e à inmò di disvelâ il sô finâl! E ant viodarin di bielis!

1 comment