CC24Novembar#18 – Impiâsi

#18 – Impiâsi

Al puartave ancjemò sul so cuarp i segns des ultimis brutalitâts e des violencis cence costrut, e di li a un pâr di dîs la prospetive e jere chê di zontâ altris sfris. Ce i varessino fât? Distudât spagnolets su la piel? Cjapât a legnadis lis mans cui bastons? Fât bevi cualchi purgant?
Mortificazion e vergogne za a montavin sù tal sô cûr, ma ce che i faseve plui stomi al jere il fat di no rivâ a provâ stice cuintri dai siei crudêi becjârs. E se nol rivave a rabiâsi cui siei torturadôrs, alore ce sens al vevie lâ indenant, vivint tant che un vier e cence dignitât e amôr propri?
Al scrivè un biliet di lassâ sul taulin de sô cjamare, curt e sintetic, “Scuse mame, o soi lât a fâ mantiis di bocâl”, dopo al metè tal so russac une taniche di cherosen e une machinete par impiâ, e cussì si invià a scuele, come ogni buinore. Chê matine, però, no sarès stade come chês altris.

di ?
#1813