CC24_La classifiche di Otubar

E o sin jentrâts inte ultime stagjon de gare leterarie par furlan plui coinvolzente e fûr di scuare di dut l’internet. Mês di Otubar, duncje, cuntun teme che al è plasût a ducj e al à stiçât plui di cualchidun a savênt alc di plui sui artiscj furlans.

Te primis posizions o cjatin contis ispiradis a Angelo Popesso, Tullio Crali, Alessandra Aita, Devid Strussiat, Klaus Bodanza, Giovanni Pellis, Antonio Camaur... in sumis, al è ce lâ a viodi e lei.

E il teme al à stiçât i mus a cori plui planc, stant che lis contis a àn vût une ande plui cuiete, mancul aventurose e plui dentri dai pinsîrs, stant che dispès lis contis a jerin in linie cu lis oparis.

E la nestre zurie, sedi chê uficiâl, sedi chê dal FantaCorseCurte, e somee vê butât un voli ancje a la atinence dal scrit cu la opare di art mostrade. E a son saltadis fûr robis plui che interessantis, inte classifiche dal mês.

Tant par scomençâ ancje chest mês al à vinçût un mus che nol veve mai vinçude une tape (ancje se al jere rivât dongje). Stele Alpine, cuntun toc poetic e plen di maluserie, che però al pâr vê i colôrs dal cuadri che al piture… In spiete. E sul podi un colp di code une vore inspietât di Mari de Gnot Nostrane, cun Sal veve dit, e dâ une interpretazion inspietade al cuadri e e met dacuardi buine part de zurie.

E simpri pe classifiche gjenerâl, si pues disi che il mus che di cualchi mês al è in teste al à poiât un biel çocul su la prime posizion, Catine la nere , sedi pe so prove, rivant secont, sedi stant par la inçopedade dal sô aversari, Brene Sfolmenade, che dut câs al vût un prin puest di un zurât. Ducj i doi a vevin di interpretâ un cuadri dal stes autôr e lu àn fat in maniere une vore buine.

E par sierâ, o vin aromai capît che cualchi mus al è in crisi, come Muspilli, Ippogrifo e Glorious Grene, e cualchidun si è ricjapât e al cor simpri ben, come Torototele, Nonio, Atile  e Teresine la çuete. Dut câs, vele ca la classifiche di Otubar cun 26 contis rivadis e un Bonus No cumbini, di Daûr la Lavagne…

Cun cheste classifiche al cambie une vore pôc in te classifiche gjenerâl, si va sù o sù di un puestut ma sin simpri li… Vele ca!

E tal FantaCorseCurte, i doi mus che a son in teste a restin li e si confermin une vore bulos intal scometi sui prins… cun di plui regalant a Cancar, la conte di Atile, la vitorie intal FCC di chest mês, cun trê votazions pe sô conte.

Muspilli al reste prin, vint sielzût la stesse conte de gjatemarangule, che e reste seconde. Vele la classifiche:

1 comment