CC24Jugn#24 – Il ghiringhel

#24 – Il ghiringhel

24 di jugn.
A son za trê mês dal principi dal montafin. I muarts (mi refudi di clamâju zombis tanche intun cine di Romero) a cjaminin pal mont.
Biadelore che o ai cjatât un bon puest par platâmi e sistemâmi tal tor de glesie di chest paîs.

5 di lui.
De mê base intal tor o ai une buine visuâl dulintor. O viôt i muarts a vagolâ pes stradis. O voi fûr dome par cirî aghe e mangjative. Ca sù o soi sigûr.

7 di lui.
Tal bar dal paîs o ai recuperât variis butiliis e robis di mangjâ. Mi mancje la int.

8 di lui.
Bevût masse. Marum.

12 di lui.
Lumade fulugne di muarts. Centenârs jù pe strade grande.

13 di lui.
Fulugne sparpagnade intal paîs. Glesie circondade. Vuê o resti ca sù.

16 di lui.
Bevût masse. Marum. Cjatât messâl te sagristie. O prei che i muarts a ledin vie.

18 di lui.
Mangjative daûr a finî. O scuen lâ jù a cirî alc.

19 di lui.
Masse pericul. Masse muarts ator tes stradis. Glesie circondade. O prei.

21 di lui.
Bevût masse. Mangjative finide. Glesie circondade. No pues lâ fûr. Marum.

22 di lui.
Bevût masse. Glesie circondade. Fam. Marum.

24 di lui.
Glesie circondade. Îr o ai pensât di butâmi jù. O prei. Vonde bevi.

25 di lui.
Bevût masse. Glesie circondade. Fam. Marum. O volarès butâmi jû. O prei.

26 di lui.
Glesie circondade. Fam. Finide la robe di bevi. Marum. O prei.

29 di lui.
Cjatadis ostiis e bevude aghe de pile de aghe sante. Butât fûr. O torni a pensâ di butâmi jù.

1 di avost.
Accipite et manducate ex hoc omnes, e vonde.

di ?
#1684