CC24Mai#28 – Parcè?

#28 – Parcè?

Al diseve simpri che Ligabue al jere une vore plui brâf come pitôr e al varès fat miôr a fermâ di cjantâ, Washington come atôr no lu bateve nissun e nol capive parcè al ves fate dute chê politiche, par no fevelâ di Paolo Rossi, dal sigûr brâf tal balon, ma une vore plui incisîf tant che comic, e ce dî di Williams, e de sê grande evoluzion dai Take That, ae cariere soliste a cetancj films bielonons e meretevui di premis… E par tornâ a balon, cemût no preseâ la cariere sfloride inte filosofie di Bruno Giordano? Cence vê inment di Modigliani, l’economist-pitôr!
In ostarie, al podeve lâ indevant di matine fin sere, cun cheste naine.
In sumis, il mont al jere plen di int cun plui di un talent… Parcè dome lui nol jerial bon di fâ nuie?

di No Ancjemò
#1658