CC24Mai#19 – YeS

#19 – YeS

Tal centri de stanzie vueide e blancje e pontave une scjale just apont a un cuadrut piçulut tacât tal sofit. Un tocut di cjarte stampade cun dome une peraule tal centri che la artiste e veve metût tune misure di une biliet di visite fat cuntune suaze intaiade di len piturade di colôr fucsie.

No si viodeve fin che tu levis sù tal mieç de scjale, e inmò no si rivave a leile fin che no tu cjapavis la lint di ingrandiment leade cunune piçule cuarde.

Il zovin, che pardabon no viodeve cence i siei ocjai che al platave dal mont, no varès mai rivât a leile. Mans bielis, di musicist. Al cjalave ae artiste che e jere un tic strambe, masse orientâl… Si clamave Yoko.

Jê e saveve cui che al jere Lui. Nol jere un cualsisei visitadôr de mostre.

Al jere un dai cuatri beniamins de culture musicâl, che fin de decade passade a fasevin suspirâ lis fantatis di dut il globi cu lis cjançons e i lôr çufs ae mode de franzetis

De scjale si leieve la peraule: “yes”

E podeve jessi stade cualsisei peraule dal mont: di proteste, di rabie, di sbroc, nol varès mai cjapât John, e cussì invezit si jerin cognossûts. Cuntune peraule al è scomençât un dai plui grancj amôrs de storie dal mont.

di Gato
#1649