CC24Mai#12 – La detrazion

#12 – La detrazion

“Dai moviti, monte sù”
“Orpo, un moment! I met la gamele daûr tal baûl de tô machine”
“Tu âs bisugne di une dose di smeneo… Fasarìn tart al cors; al ploûf e a mi ven fastidi a vuidâ par Udin a chê ore chi. A son ducj i gjenitors cul SUV che a discjamin i fruts devant de scuele… ve li ve che se a cjapin dôs gotis di ploie a si disfin! A diventin a busuts come il carso triestin.  Mior fâ une strade diferente!”
“Sigure che i rivin?”
“No vûtu! Volti par chi, cjapi la vie cjossule, scjavaci, voi drete par ca e…”
“Sintimi Santine, va planc… cun chiste corse i nin dretis come fusetis in vie Spalato! Sin in cuintri man! Fâmi dismontâ chi, ai di dai il scuntrin dal collare elisabettiano di Uby al comercalist par detrâilu de tassis”
“Pedoglose! Ti coventie propite di detrai il 19% di € 6.59 su la scuse del tiò amât Uby? Ma spetitu propit chel francut a credit dal 730 par lâ in feriis? Ah… par lâ in feris i vûl PAN E SMENEO ogni dì! E visiti che il SMENEO a ti fas passâ ogni spisse!”
“Aaah… dolà cjatio il Smeneo? E il dosagjio?”
Santine no rive a tignisi e: ”Carmele, va in farmacie e tu domandis Smeneo, une podine.”
“Santine, ma do cjatio une podine?”
“… Carmele, va a nauli!”
“Nauli? e isal lontan?”
Carmele e Santine, cjapadis de lor cjacaris, une pôc svelte e chê altre pôc dolce, a no son mai rivadis ai cors di “Comunicazione assertiva” e “Introduzione al 730: le detrazioni”. Forsit a son par strade… direzion Nauli?

di ?
#1642

1 comments On CC24Mai#12 – La detrazion

Leave a reply:

Your email address will not be published.

This site uses Akismet to reduce spam. Learn how your comment data is processed.

Pît di pagjine dal sît