CC24Avrîl#07 – Oreste e la pôre

#07 – Oreste e la pôre

Il dì plui brut al è stât chel de pôre. Nissun, neancje mê mari, a mi veve visât. O jeri che o cagavi intal savalon e o ai sintût: ”Bravo! Al à bielzà imparât.” E dopo, dut a colp, a mi àn puartât vie. Parcè jo?
Mame, mame  judimi! Mi àn metût intune scjate di carton.
Mame, mame ferme che dôs achì!
A la fin soi stât fer, come blocât. Mil pinsîrs e mi soi convint che a mi an puartât vie parcè che o soi diferent dai miei fradis. Soi neri! Vevi sintût robis brutis: une volte, se a no podevin tignîti a ti devin vie o a ti copavin. Vevi pôre! A colp o ai sintût une cjarece, une manute piçule, cjalde, calme. Stavi ben sote di jê. E di chê dì o soi cun jê e la sô famee.
Soi cressût cun la libertât di durmî là che o vuei, drenti o foûr cjase cjati simpri un puest dome par me e se a mê sintude mi covente di jentrâ o la foûr, baste che i domandi al vecju di cjase.
Mangji ben, caghi e pissi regolar. Soi parfin vacinât. A mi cjarecin e a mi bussin.
Jo o soi Oreste, il giat de vie e cuant che chei stronzos che a mi àn puartât vie de me famee a no capissin ce che o vuei o a vuelin puartâmi dal veterinari (come ta chê volte par spadâmi) mi plati davoûr la tv al plasma… lôr a àn strice che i la sbrunti jù de mobilie e par fâmi vignî vie di lì a mi clamin subit a mangja une fetute di persut cuet, il miò mangjà preferit.
Mi veiso fat provâ la pôre? …Tant par om!

di Laura Dri (Bultrik)
#1605