CC24Avrîl#03 – Robarie

#03 – Robarie

Robarie: azion di robâ.
Robâ: fâ une robarie.
Lari: al robe.
Carabinîr: in origjin al puartave la carabine. Cumò al è vistût di scûr, ma cence carabine.
Vuardiis zuradis: o sin noaltris, che o torzeonìn parmìs di bancjs, sîts, aziendis, fabrichis, supermarcjâts par fâsi viodi dai laris.
Siôr: chel che nus paie, a nô vuardiis zuradis.
Procès: chê robe li che si fâs che a son tancj cul cjamesot neri che a cjacarin.
Avocat: al fevele tant.
Gjornalist: al scrîf tant.
Siguratôr: al paie (pôc) se tu tu âs paiât (tant).
Premi: chel che il siguradôr al si fâs paiâ par paiâ i dams di une robarie. Al è simpri ben coltât, al cres dispès.
Preson: puest dulà che par jentrâ i vûl fâsi cognossi.
Ma alore.
Alore o vin dit. Noaltris o vin dit, ducj insiemi, in prime persone plurâl, o vin dit, noaltris vuardiis zuradis, o vin dit: – Parcè meti in moviment dute cheste int par fâ une robarie? E carabinîrs e judiçs e avocats e peresons e siguradôrs…
Dute chetse int!
Nô, noaltris, nô vuardiis zuradis, le fasìn nô la robarie, cussì no coventin ni judiçs, ni carbinîrs, ni gjornaliscj, ni procès, ni avocats.
O savìn ben noaltris ce maniere che si fâs, le fasìn nô, la robarie.
Si sparagne timp, fature, ciarte, blestemis.
Fate la robarie, il siguradôr al paie, il sior al è paiât, e cundiplui i disìn, noaltris, al sior i disìn che insome cheste robarie no sin stâts bogns di impedîle, sâr sior, al à il dirit di scurtânus la paie dal 10%, content?
Content!
Le fasìn noaltris la robarie. In prime persone plurâl!