CC24Març#26 – Pierdût e vuadagnât

#26 – Pierdût e vuadagnât

Al veve i dêts indurmidîts, al jere un dî frêt, ma i smursiei a jerin ros par il cjandôr de bataie. Il sanc al colave dai siei braçs, un pôc al jere so, un pôc al jere dal so nemì. La bataie e fo dure, copâ o jessi copât e par sô fortune al veve scjampât la muart. Al combatè cun l´ultim suspîr, ancjemò i sunave tes orelis  il cricâ de cjar cuant che la sô spade e traviersave i cuarps in chêl prât. I bandîts a jerin stâts frontâts e a jerinmuarts di un bande e di chê altre, cetantis fameis cence pari o cence om. Lui al pensave a dut chest intant che al cirive di fâ tornâ normâl il so flât e che il cûr al fermà di bati tant che un cjaval salvadi. Al veve pierdût tantis robis, al veve sacrificât dut che al veve in chest combatiment par i siums di ducj, ancje dai siei, ma al viodeve dute la distruzion e dutis lis muarts e si domandave si dut chest al valès la spese.
Al veve lassât la sô cjase parcê che il racuelt nol jere lât ben chel an e un stipendi di soldât al jere plui prometent, ma al crodeve ancje inte cause. Al lave daûr dal so Re, al jere il plui sevêr, ma ancje benevolent cun i siei sudits. Al veve passât cetant timp lontan des sôs fiis, de sô femine, al jere parsore dai siei pîts e al pensave ai odôrs de cusine, ae fragrance des sôs fiis e a lis mans de sô femine. Dut al jere lontan, al podeve sintî dome  il sanc e l’odôr dai cuarps in decomposizion che a cuvierzevin il prât. No si podeve viodi le jerbe, dut al jere muart e cence sperance, planc planchin i covars a jerin dongje dai cuarps che a saressin coventâts a nudriju.
Al voleve un bagn cjalt e un abraç de sô famee.

di La Ciachegna
#1593

2 comments On CC24Març#26 – Pierdût e vuadagnât

Leave a reply:

Your email address will not be published.

This site uses Akismet to reduce spam. Learn how your comment data is processed.

Pît di pagjine dal sît