E jere une volte Pieri si volte par fâ il zîr dal mont.
Pieri al è pront dulà che al nevee
Pieri si incee dulà che al sbivicje
Pieri si picje dulà che al tempieste
Pieri al è in fieste al va dulà che al è sut
Pieri al è brut al va li che al plôf
Pieri no si môf e al va li che e je fumate
Pieri si grate e al rive il burlaç
Pieri Michelaç e e rive la glace
Pieri al è in place e al va dulà che al sglavine
Pieri si rimpine sù pe codebuie
Pieri nol dîs nuie dulà che al è aiar
Pieri al è coiar e al va là de bore scure
Pieri nol si cure ma al va li dal soreli
Pieri sul cerneli al à za la zulugne
Pieri ti rugne ma impen che rabiôs
Pieri al è seren al sa ben che al è taront
E cence lâ fûr de conte al à fat il zîr dal mont.
