Saveso ce dì che o sin vuê? Ai 21 di Fevrâr.
E saveso ce dì che al è il 21 di Fevrâr? Miercus!
No, bon, dai… o stin menant la ocje ator pe loze. O volevin dome marcâ che vuê e je la zornade de lenghe mari, ma ancje de lenghe che us à adotâts, o zontin noaltris. Eh par solit no abadin masse a chescj inovâi, stant che la fieste ae marilenghe, noaltris, le fasìn ogni dì.
Ma vuê nus va di pandi alc che ae fin al cîr di jessi une maniere di slargjâ, in maniere zuarine e moderne, ma no simpri stupide, la nestre lenghe.
Ce robe? Ma cemût, ce robe?! Chei che a son su Instagram e a seguissin bielzà Contecurte, lu san ben ce che a son lis ONTECURTUTIS. Contis che si intachin intor come une magle di vueli. Propite come chê che e je ca parsore, la numar #07
Par cumò lis podês cjatâ dome su Instagram, e no vin ancjemò pensât di metilis di altris bandis. Un pôc parcè che o crodìn che a sedin justis par chel social, e un pôc par lassâ alc di esclusîf, par ogni bande che a cjalais la nestre ostarie. Ma vonde cjacaris. Là parsore o vês bielzâ cerçade une Ontecurtute, e cumò… ve ca! Us metin subite une altre, par stiçâ la gole.
Che po, la robe biele, e je chê chestis Ontecurtutis a son simpri volttadis anche par talian, e insome… o podês pandilis ancje ai “forescj”. Ma intant ve ca, une grampute di Ontecurtutis…
Us sono plasudis? ’nt cjatais une vore di altris su instagram, e us consein di mandalis ancje ator, che a plasìn une vore e sâstu mai che .
