CorseCurteDicembar#06 – Nêf

Floche jù inte gnot cidine
di ogni bande e met cjanôr,
dant ai fruts doman matine
chê sorprese a smovi il cûr

Intal cjalâ dal clip de cjase
chel paisaç dut blanc pulît,
il frutin al si ind’alegre
e content al uche e al rît

Ma difûr ‘ne passarute
su la nêf frede glaçade,
e va cirî dute avilide
pai siei fruts une bocjade

Il frutin si cjape dûl
di chê mame cence pan,
e fruçant une pagnoche
e je slargje sul balcon

Si fâs dongje che ninine
a becâ di chel bon pan,
cui siei fruts che la compagnin,
a fuî i granfs de fam

di ***
#1***