I maçarots des Andes

I maçarots des Andes, che si puedin viodi tal desert di Atacama, a àn une reson fisiche che ju sclarìs. Vie pal dì, la lûs solâr e stramude i eletrons dal azot e dal ossigjen dal aiar e di gnot i eletrons a tornin a la lôr posizion origjinâl, biel mandant fûr une lûs brilante, di ros lusint.
Ma e je une altre vôs che e dîs che i maçarots des Andes a son i elfs dai lavoradôrs des minieris di ram, che a lavorin intun ambient soterani, sierât, malsan e pericolôs, lontan di cjase, riscjant la vite par cjatâ il mineral, il lôr “aur rossit”.
I minadôrs a sgjavin galariis par lâ plui in insot de tiere, cirint il minerâl cetant desiderât, dulà che si sint la solitudin e il cidinôr che ju abracin cun fuarce; dulà che si verifiche il paradòs di lôr che a lavorin te scuretât par dânus la lûs di ogni dì.
Salacor, i maçarots des Andes a son i protetôrs di chei minadôrs. Forsit, un simbul.

di Ricardo Gregoretti

#1385

1 comment