Sul gjornâl di vuê…

O vin un bon motîf par comprâ il Messaggero Veneto di vuê, ai 25 di Avost, ancje se us tocje paiâlu 2euro.

Cuâl motîf? Il nestri Ostîr, che ogni tant nus tradìs e al scrîf par talian (ancje se lui al dîs che al è dome par no smenteâsi la sô lenghe seconde) e propit vuê, intune pagjine juste juste prime dal sport (cussì podês tacâ di daûr, saltant la politiche) al viôt publicade une sô conte zale.

Che po… ancje se la conte e je par talian, o savês ben che l’Ostîr al ambiente simpri lis sôs storiis in Friûl, e chest colp, intun cualsisei paisut de basse furlane. E la trame, plui che un zâl classic, e puarte plui che altri a fâsi domandis sul dì di vuê e sul podê de informazion cuant che e à a ce fâ cu la vite de int.

E il titul, Evangelisti, al è propite a clamâ dongje figuris che si pues dì che a sedin “brave int”, magari cun vitis cidinis e no tant fortunadis, ma pûr simpri brave int.

Vonde!

Us vin spiât ancje masse. Vait a recuperâ il gjornâl o se no striçait lis palpieris par lei la conte che us metin propite… chi in bande.

1 comment