CorseCurteLui#16 – Aghe di poç

#16 – Aghe di poç

I cjaldîrs a pindulavin
dai picjots intal seglâr,
dongje il cop par aghe frescje
a confuart dal sgrasaiâr.

Benedet cjanton di cjase
ben parât da lûs di fûr,
par judâ dentri i cjaldîrs
la aghe frescje a tignî dûr.

Primevere e domandave
di lustrâ i dincj de forcje,
indulà tal ort frontavin
ancje il dûr da la beorcje.

Il soreli al compagnave
lis fadiis in chel lavôr,
cul sudôr ch’al spissulave
da la piel a saltà fûr.

E il pinsîr coreve dentri
a aghe frescje dal seglâr,
cuntun cop a mandâ vie
sedi sêt che la fadie

Tentazion cetant grandone
di proviodi a cuietâ,
cussì tra l’ort e il seglâr
jere dut un lâ e tornâ.

Alte in cîl une calandre
confuartave in serenade,
i sudôrs de vite umane
consacrâts pa la bocjade.

di Luciano Marinig (Potonzio)
#1325

1 comment