Contis argjentinis cence cjâf (2)

E ve chi, la seconde butade de Contis cence cjâf componudis tant che esercizi didatic dai arlêfs dal cors di furlan avanzât. Si cjate dentri di dut – detulis, haiku, sprocs… -, e al è propite chel il biel!

Come simpri o visìn che o vin tocjât pôc tes contis, a di part cualchi stupidagjin di grafie, propit parcè che al è biel viodi cualchi espression furlane che un furlan di chenti nol doprarès.

Gnove oportunitât
No stâ a lamentâti!
Dîs: cumò o scomenci!

Dam no volût
Cuant che doi elefants a fasin la vuere… la jerbe e je chê che e piert!!

Il gno zardin
Piçulutis fueis.
Lis fresiis mi visin
che la Vierte e rivarà.

di Norma Romotowski

La miôr leghe
Ram e stagn a fasin la leghe di bronç come la aghe salade e la farine si mudin in polente.

Consei
No stâ a fidati di un om masse gaiarin daspò di bevi come une plere, al è cetant pericolôs.

Pinsîr
“Vuê in figure, doman in sepulture”, diseve mê mari. Di zovin, mi faseve ridi e cumò, mi fâs pensâ.

Ce che al è, ce che nol è
Fantatis lizeris, zovenut, ti puartin dal mâl al malan”, ur diseve mê none ai siei fîs mascjos. Ma no diseve altri tant aes feminutis di cjase dai oms pericolôs e violents. Pecjât!

Stait atents
Pensâ mâl, no stâ bon, ma mi dâ ocasion di mostrâ prudence.

Daûr de economie
O cîr une machine che e bevi pôc, la mê si incjoche daurman.

Simpri cussì
O timp o tart, al vignarà il soreli daspò de ploie, cussì e je la vite.

Analogjie
Esplicâ filosofie a un frutat al è tant che volê cjapâ aghe tun desert.

di Liliana Venerus

Pieri!! La sclope!!
Infanzie inte vuere, i soldâts, la sclope e platâsi dibot no jerin bielzà un zûc.

Onôr a Federico
I siei pinsîrs a lavin ator, si slargjavin ogni dì, e pûr cuant che al á molât la cuarde dal acuilon, pierdint cualsisei contat cun la tiere, jessint cussì alt inte sô nâf, al à continuât a pensâ sore cun avonde luminositât, slusorânt ducj nô.

di Lenart Gjavedon

1 coments On Contis argjentinis cence cjâf (2)

Scrîf un coment

This site uses Akismet to reduce spam. Learn how your comment data is processed.

Pît di pagjine dal sît