Ta un timp di sierade

Tal disgot dai siei diis a voltis la Sierade nus regale zornadis di lusso. Il pulvin dal soreli si poie sui prâts, dulà che la jerbe si disviest dal colôr verdulin par metisi intor chel zalit ch’al sparniçe d’aur dute la val. Dut al è une netizie che e stralûs, insom lis monts colôr cjarte di sucar a tocjin il cîl juste in timp par disfâsi jenfri, chest nus regale un fregul di pâs framieç di tancj torments. – Trop siôrs jerino cuant ch’o podevin strenzi une man? Trop timp al varaie di passâ par ch’o vedin il regâl di podê dâ une bussade ai nevôs e cjapâju tal braç? – Cui sa mai, se chest ch’o stin vivint nus judarà a cirî peraulis tal cûr, impen di cirîlis tal vocabolari.

1 coments On Ta un timp di sierade

  • E il cori de vite come lis stagjons, mo primevere, mo estât, atom, e inviâr, dà e cjoli, ma plui cjoli cence nissun rivuart, massime cumò sul presint che stin passant. Biele le riflession poetiche di Marisa sul timp presint. Lussian

Scrîf un coment

This site uses Akismet to reduce spam. Learn how your comment data is processed.

Pît di pagjine dal sît