Lets in Ostarie: Svint in paîs

SVINT IN PAÎS
di Stefano Lombardi

CE LIBRI ISAL?
Un libri di poesiis, edit cu la poie di ARLeF, Comun di Prissinins e Pro Loco di Prissinins. Al à dentri, prime di 20 poesiis, cu la traduzion par talian di front, ancje une introduzion di Giacomo Vit e une presentazion e racuelte fate dal autôr.

MA CE ISAL DENTRI, DI PRECÎS?
Vincj poesiis, dutis vonde curtis di stâ intune pagjine, che a fevelin de vite e de nature cuntun voli ai paesaçs e al vivi de basse furlane, puest dulà che l’autôr al vîf. Tes poesiis, in viers libars e scritis inte variant furlane locâl, si fevele sedi di sintiments universâi, sedi di esperiencis personâls.

UN VIERS DE PRIME POESIE
In ta la gnot di svint…
Par il grumut dai scjafoiepredis une nâf ta la tempiete,
ta un moment come velis, si sglonfin i baras.

A CUI I PUEDIAL PLASÊ?
A cui che i plâs la poesie par furlan gnove, che e partìs de localitât e dal cjalâsi ator e dentri e e va viers i sintiments plui universâi. A cui che nol bacile masse par la metriche e la normalizazion de lenghe ma al cjale sunôr e semplicitât poetiche, gjoldint di viers sincîrs.

E SE O AI VOIE DI CJOILU?
Al coste 5 euros e lu si cjate ator pal web o magari al baste cucâ ator pes nestris librariis o cori daûr al autôr cuant che lu si viôt par Prissinins o a cualchi altre presentazion.

Scrîf un coment

This site uses Akismet to reduce spam. Learn how your comment data is processed.

Pît di pagjine dal sît