A Tite la none i veve dit di no vendi ni di butâ jù la cjase une volte che jê e fos muarte: je varès lassade in ereditât.
Une piçule cjasute di vecjis pieris di flum, cence cantine sot tiere ma cuntun pratic e biel camarin a nivel tiere. Un cjodut pai purcits, un cuatri strops di ort, une vît di clinto… un piçul paradîs.
Ma lui no…
Une volte crepade la vecje lui nol veve spietât che cualchi dì par demolî dut e in pôcs mês, fasintsi judâ di so cugnât moredôr e di trê braos operaris rumens, al veve tirât sù une biele vile, un fortilizi cun ducj i COMFORTS.
E ben doi profonts garages pal so SUV e pe Smart de sô femine.
Dopo di un prin otubar avonde seren e cjalt i varis Bernacca a proviodevin pai ultins dîs dal mês grandis ploiis ma Tite nol jere par nie preocupât te sô fuartece… se mai al ves tignût la stamberghe di prime al varès scugnût meti vacinelis a lis primis gotis… E cussì, la vilie dai Sants, ancje se al veve montanât dute la gnot e su Italia 1 a vevin dit che “l’Isonzo ha allagato Pordenone”, lui distès al pensà di jessi, pûr no vint di scugnî lâ a vore ta chê maladete dì. Al le jù intal interât par tirâ fûr il so machinon cjolt cul leasing. Apene vierte la puartute dal garage une grande masse di aghe lu invistì. Prime di murî inneât Tite al pensà che la none e veve vût reson: se lui al ves tignût chê cjase come che e jere… di sigûr nol varès fat chê brute fin!
Une volte crepade la vecje lui nol veve spietât che cualchi dì par demolî dut e in pôcs mês, fasintsi judâ di so cugnât moredôr e di trê braos operaris rumens, al veve tirât sù une biele vile, un fortilizi cun ducj i COMFORTS.
E ben doi profonts garages pal so SUV e pe Smart de sô femine.
Dopo di un prin otubar avonde seren e cjalt i varis Bernacca a proviodevin pai ultins dîs dal mês grandis ploiis ma Tite nol jere par nie preocupât te sô fuartece… se mai al ves tignût la stamberghe di prime al varès scugnût meti vacinelis a lis primis gotis… E cussì, la vilie dai Sants, ancje se al veve montanât dute la gnot e su Italia 1 a vevin dit che “l’Isonzo ha allagato Pordenone”, lui distès al pensà di jessi, pûr no vint di scugnî lâ a vore ta chê maladete dì. Al le jù intal interât par tirâ fûr il so machinon cjolt cul leasing. Apene vierte la puartute dal garage une grande masse di aghe lu invistì. Prime di murî inneât Tite al pensà che la none e veve vût reson: se lui al ves tignût chê cjase come che e jere… di sigûr nol varès fat chê brute fin!
di Checo Tam
#255
2 comments On La cjase
Morâl de flabe:
Cui che al vûl masse imbraçâ, nuie al strenç.
Mandi Checo
No varès ricognossût Il Checo tar cheste conte ma nol é par chel ch'a é mal tirade. Anzit, mi é plasude.
Jaio