Adiriture! Ben po, graciis! Ma da rest, cuntune cjante come La canzone di Tom, no podeve no vignî fûr che…
Idolatrie
No jere une volte che Pieri al les fûr di cjase cence vêle cun se.
I voleve un ben da la anime a Julie, cuet disfat di jê, e no sai ce dîus…
Doi voi sflandorôs e vîfs, ferâi di otomobil; doi pareurts su di une carocerie di fâ zirâ le cavoce, e chê biele musute rosse pareli a un miluç.
Cuant e lave a spas cun jê ducj poiavin i voi su che petalose creature, fasint pûr dai preseaments
un grum timbrâts, ma Pieri nol jere gjelôs, anzit al veve plasê…
Un dì si ferme dal tabachin a cjoli spagnolets, cun Julie difûr che lu spietave, cenonè cuant al torne no le cjate plui!
Dopo trê dîs i carabinîrs le cjatin intun bosc dute disfate, ai vevin puartât vie dut ce che si podeve smontâ, di che puare Giulietta Alfa Romeo 2000 nol jere restât plui nie.
di Luciano Marinig
#685
8 comments
Lasse une rispueste
Dutis lis contis
Lussian, tu le as contade cussì ben ch'a mi ven di pensâ che Pieri a tu sedis tu e Julie la to Giulietta Alfa Romeo 2000, Bepi
Luciano, di sigûr a son stâts i zingars a petâle. Chê brute gjenie une volte e faseve dispès chei lavôrs. Al dì di vuê no stan tant a lavorâ; a puartin la machine dute interie di là dal confin e no tu la viodis plui. No je plui religjon in Italie.
Mandi
jo soi di "gjenie" rom, come che tu disis tu, e no mi sint lari e no son laris i miei parincj, e a gjestî il trafic di machinis, che altre di, al jere un furlan, ma mi cjale ben di di che la vuestre gjenie e je fate di laris. No rivais a stacasi dai precconcets raziscj nancje intune conte di ridi…. ce pene, e tante tristerie dentri che a veis a viodi il mal dapardut, parfin là che al jere di fa une ridade.
Franco V.
Lussian, ben tornât come contecurtâr. La tô conte oltri che jessi biel e gustose e tal plat cemût che la machine la vevin fate deventâ une sorte di santitât.Cemût che ancje no furlans si sin lassâts inceà des faliscjis de modernitât.
Une vore biel, Lussian, chest to menânus pal nas cu la scuse de creature petalose che no jere di sigûr fate di cjar e vues! Biel ancje il to svol di fantasie (par me no tu jeris tu pierdût par la Julie cuntant di carocerie) Par me esperience personâl no 'nd ai mai cjalât un zovin su la fonde de machine che al veve…a contavin dome lis emozions che parmieç chel lamarin (cualchi volte) o vivevi…
Par Franco V.
Jo o ai lavorât par une vite e no ai fat la vilone e no ai di sigûr la BMW intal curtîl.
Ce mût spieghistu Vilonis e Machinonis cence vê mai vût redit sul 730/740?
No dîs che i Rom e i Sinti a sedin ducj laris, ma baste lei i gjornâi par fâsi une idee.
Ma Franco, sêstu stât intal forest par tancj agns?
Mandi.
un graciis a ducj i amis par no vemi smenteat
cause le me lungje astinence intal scrivi.Un mandi a ducj, Lussian
Lussian, cumò che ti è saltade fûr la pene, cjapile in man e torne a scrivi, che o vin gust di lei lis tôs contis.
E viôt di no tornâ a pierdile di gnûf.
Mandi.