Che dire? Letta tre volte, e non basta mai. Bellissima conte, profonda drammatica risolutiva.Grazie per la canzone di Tom
La maie
E je vignude fûr di pôc la storie des bandieris furlanis butadis tes scovacis in ocasion de partide ITALIE – FINLANDIE pai Campionâts Europeans di balon. No si podeve puartâlis te Dacia Arena e alore a son restadis fûr… finidis tai sacs neris…
Mi è tornât iniment di cuant che, tancj agns indaûr, o jeri lât cun Bano a viodi Udin-Napoli al Friuli. Percuisîts come che o fossin delincuents. Il baston de bandiere blancje e nere di Bano lassât di fûr ma chel al jere just…
A son dîs agns che no voi a viodi une partide. Di chê volte che il nestri paron al veve vendût il stabiliment a une imprese asiatiche.
Savês no, la globalizazion…
Nô o vevin protestât. O jerin ancje lâts sul tet dal capanon, si visaiso? A vevin fevelât i gjornâi. Tal stadi, in dîs di nô o vevin esibide une grande scrite cuintri dal nestri paron. E nie, la partide e jere Udin-Atalante (1-3… pierdût il stabiliment e pierdude ancje la partide…).
Ma cumò o soi plui babio, e mi è vignude voie di tornâ al stadi, magari cuant che e tornarà a zuiâ la Italie… metintmi intor une biele maie cu la acuile. O jentri dentri cu la felpe cun scrit FORZA ITALIA parsore e dopo me gjavi… e sot o mostri la gloriose acuile dal Patriarcje… ah ah ah…
Se in cetancj di nô a fasessin cussì … sâstu ce colp di voli tal stadi… une muraie di int blu e zale…
Metìn in mil di nô che a comprin la maie a dîs euros… a son dîs mil euros che a finissin a pro dal Friûl, dai lavoradôrs furlans, po, dal tessile che al à tante dibisugne di tornâ in salût se no ca al va dut in vacje, come che o sin lâts in vacje nô cul nestri stabiliment…
Alore o ai comprât la maie! E o ai stiçât ducj chei che o cognossevi a fâ compagn! In pôcs dîs o soi deventât il miôr marcjadant di acuilis dal Friûl!
E chest fintremai che o ai cirût di vendi une a gno nevôt.
«Dîs po barbe, viôt che la dite si clame FRUIT OF THE LOOM (Pomis dal zei) je une multinazionâl… magari lee la maiute le àn fate in Maroc!»
di Milio dai cjans
#842
1 comment
Lasse une rispueste
Dutis lis contis
Ma podevino scomençâ la setemane cence une conte? Sì, o podevin, ma noaltris o vin decidû di no. Cheste e rive drete drete dal Contecurte day, e e je une des dôs contis che no vin dopradis. Ma no par che no la vin sielte al vûl di che e jere brute, anzit. Cu la so prose sclete e direte, il nestri Milio no lis mande a dî, e chi al conte di ce che i è capitât, e no dome a lui, cualchi timp fa, lant al Stadio Friuli… Sì, i timps a fasin vignî il mâl di fiât, no je colpe de conte. Dute par voaltris alore. Milio cu la sô maie!