Adiriture! Ben po, graciis! Ma da rest, cuntune cjante come La canzone di Tom, no podeve no vignî fûr che…
Stramp
Par sei stramp al jere simpri stât stramp, di piçul in su. Al barufave cun ducj, al jere arogant, al veve simpri reson lui, nol veve nissun rispiet.
Di zovenut al si confermà inte sô strambetât. Lis fantacinis a jerin dutis sôs, in gracis de sachete ben furnide che al si cjatave intai bregons. Lis molave di brut apene che al si stufave. E al si stufave svelt. Daspò un pâr di setemanis nancje no lis cjalave plui e nol jere propri di escludi che a svolassin ancje cuatri sganassons, se di guai jes fasevin zirâ.
Po, stant che al jere ancje racist e che chenti nol veve vonde ocasions di esercitâ cheste sô specialitât, al pensà di traferîsi in Americhe.
Al si gjavà vie al S e i le regalà a un so amì, un rus che, cussì, al podè deventâ Spuntin, di dome Putin che al jere, volêso meti la diference e la sodisfazion?
Lui, invezit, cun cheste mosse, al deventà Tramp.
Che si scrîf Trump.
di Laurin Zuan Nardin
#660
6 comments
Lasse une rispueste
Dutis lis contis
Nuie mâl come biografie. A disi il vêr o vin ancje nô un element simil, che al è rivât a fâ Strenzi la cinture a tancj di lôr e po, par straviâ i suspiets al à gjavât la St.
Mandi
Cuntun fregul di ironie cheste conte ûs ricuarde che o sin colâts te mierde. Pauli ise farine dal to sac? Biele e gustose.
Tramp o Renzi =
Renzi o Tramp =
Strenzi a Stramp nol à dât mai risultât.
Baste co ricuardedin storiis resintis.
Biele la conte, fantasie cence limits.
Nelo, no e je de me panarie. Jo su Trump o spietarès che al tachi a lavorâ prin di tirâi ju la piel.
Mandi
Trump, cuant che al à let cheste conte, al à vaiût miege ore di lung.
Nardin,o crôt che lis fantacinis lu vedin molât,stant a la foto cul scjars dal sot panse.Tramp:mi ricuarde chel di Udin Sant Denel,cussi batiât "le vacjie di Sant Denel" Lussian