Atri che Bernacca!

A je ben vere che une volte, prime dal l’avent de television, lis previsions dal timp no esistevin propite, almancul te maniere che vuê lis cognossin! Ma no je propite vere dal dut nancje cheste afermazion, e jere e a je ancje mòo vuê inte culture popolâr une sorte di prevision dal timp, che eal funzione ben e no mâl: ros di sere bon timp si spere, nui a piorots ploie a seglots, ros di matine la ploie si svicine, par dî di un mût di ricognossi il timp che al mude!

Dino, a Madrîs di Feagne, al jere a stâ tal borc di mieç, chel borc che nol esist. Lui, al jere un pôc stramp, mateçon, une sorte di artist improviodevedibil. Ducj lu cognossevin in paîs, an cumbinave di ogni sorte, plui che altri mateçs, nie di pui che robis di fruts, strambariis in sorte par un come Dino che al veve plui dci cincuante agiins. Lant jùu a lavorâ tal ort, la che lis braidis ae slargjavin le viste, si podeve ancje sintî il cjant dal gjal dal vicin, plui in sùu un cjan che al baie e tal borc di mieç un che al cjante, no simpri par di le veretât, dome ogni tant.

Al cjante Dino! al dîs Arduino: gno pari, Diu lu vedvi in glorie, lu veve sintût. Al tirave indenant a cjantâ par mieze ore, e dopo un pôc al fermave e po’ al tornave a tacâ! A secont di cemût che al cjantave, di trop che al leve indenant, gno pari al saveve cemût che sarèis lade tal doman: une sbisiade, cuatri gotis, un sglavin de madone!

Dino, propite chêe dî, che sarèis stade une zornade di soreli cence nancje un nûl, al veve tacât di buine matine a cjantâ, une vôs cristaline, plui fuarte dal solit; e no le finive plui!
Arduino, che al svuangjâve il plet, si jere tirât sùu dret cu le orele a scoltâ le cjançon, po smenât il cjâf sconsolât al veve ditdîs: doman al tampieste, une brute tampieste! Al riduçave, smenant il cjâf, al riduçave…

Va la mo, ce ditu? Me none Sunte lu veve sintût e si jere cjalade atoôr e po, stranide, par arieaiar: chêe dìi nancje un nûl a paiâlu aur!

A dôs daspoopodimisdì, tal doman, dopo che i nûi simpri plui neris a si jerin fats dongje, ea je vignude jùu une tampiestade a grops, grues come coculets!

Vûustu meti lis previsions dal timp, chêes di Dino… Atri che Bernacca!

• 

  Anonimo has written: 24 di Setembar dal 2013 at 10:03 PDM Rispuint

  Cuissà se Dino al à vût fîs? si podares ciriiu par viodi se ancje lôr a cjantin come il pari. Bravo Maurissio
  Nelodifeagne
• 

  Anonimo has written: 27 di Setembar dal 2013 at 7:56 PDM Rispuint

  Lis mês contis e son storiis di paiis, cjapadis su di un mont vieri che in pôc timp al e cambiât, non sai se dut in miôr! Cumò, o speri sul prin binari che rivi un gnove conte: "Gjie musse". Tun moment di crisi, ducj o varessin bisugne di une man, di un volenterôs, e no simpri si lu cjate tal moment cal covente! Mandi e ogni ben a ducj. Maurizio Di Fant