Juste! Chei di vuê a i larès taiadis lis vorelis, no si meretin di scoltâ nuie, parcè che dome la…
Viste mâr
Une onde a si disfe sui pas pierdûts tal savalon. Une altre a rive da cuissà dulà, cul orloi uçât dal blu dal mâr.
Daûr di chest, peât a un cjan, un om al çuete daûr di un frut che sô mari a poche sul va e il ven di un tricul tracul.
Daûr di lôr, un carton al clope tal puarti vueit e un barbon al sbore fûr il so braç dal sac che i fâs di coltre fine e po al rime une muse rote dal frêt de gnot che il prin soreli al svuarbe e incee cence un bundí.
Ne nulate e passe e un gjat al clame le sô voie al cîl. Il cjan i baie, l’om al tire ma lui nol tâs e il gjat si taie, il frut al cole, le mari a cride e intun cjanton, il barbon al pisse.
di Jaio Furlanâr
#158
#158
3 comments
Lasse une rispueste
Dutis lis contis
Brâf par dabon. In pocjis riis cheste poesie a conte il disamôr, che muse de vite che tantis voltis a sintin te ne nestre anime. I nestris dolôrs, chei dal mont, e soredut il nestri jessi di bessôi….
Gracie
un cuadri, une poesie e, di sigûr ancje une musiche, parcè Jaio al è artist in ogni espression.
Graziis Nelo, e graziis Dame, al fâs simpri plasê di viodi che no si é di bessoi su chiste tiare.