O vevi tucât e batût, ma nie: la puarte e restave siarade. O vevi clamât e sberlât, ma nie compagn: dut cidin! Alore o vevi tirât fûr il biliet che vevi metût in sachete: “Ven doman, soresere: ti spieti!”. Al ere l’indiriç e une firme che no si capive, ma che mi lassave la curiositat di savê. Il puest al [...]
Categorie: Gjenar sureâl
Al Comissari Rocheton i plaseve cjaminâ tal bosc daûr de ostarie, soredut in timp di sierade, cuant che dut al è une vore cuiet. E in chei moments, si smolave in resonaments su la esistence e su l’om, fasint deventâ chel torzeonâ une rare ocasion di cjapâ al volo, par sintî un pocje di sapience. — Viodistu Spilot, la vite [...]
Cetant usât, il Citòs, a vê la cudule in viste cu lis braghessis jù cuasi fin al agâr che, par solit, nol sintive mai frêt. Cheste volte, invezit, al jere diferent, un frêt crût e un lusôr inceant che no lu molave: il malstâ lu faseve çavariâ tant che un frut cu la fiere a sbreghe, ma la sô ghitare, [...]
Une dì al ricevè une intimazion par des tassis no paiadis che lu obleà a cirî intun vecjo scjatulon. «Velu, velu…» al disè, alì dentri al jere dut, di fat al jere plen di cartelis, tal rimovilis si alçà un fin polvar che lu fasè tossi. Cence dâsi cont une buste e svolà planant poiantsi sot di lui, chest [...]
Come ogni an, a Nadâl, e rivave la ore de partide di briscule. I doi vielis di une bande, un di front di chel altri, cuintri dal frutin e de fantate, a jemplâ il rest dal taulin. Si cjatavin a zuiâ simpri tal stes puest – une ostarie di Sclaunic – denant di un tai di neri e di un [...]
A fasevin schifo, al è clâr, ma il biel e il brut a son simpri relatîfs. Lui, par esempli, al jere biel, ma no lu cagave nissun e anzit, i stevin ducj lontans, ancje se lui, par dîle dute, nol puçave neancje un pôc. Lôr sì, invezit, ma dome a spaurîlis. E po… I fasevino schifo, forsit, a lis gjalinis [...]
Jo o soi puar. Ma no di simpri, une volte o jeri siôr. Tant siôr. Ma ancje tant malât. E cussì, cuant che inte miôr cliniche specializade, i miôrs miedis mi àn dit che a mi restavin dome pôcs mês di vite, no mi à restât altri cefâ, se no lâ a cirî un puar che al acetas di murî [...]
La matine che tal jet di Gregorio a vevin cjatade une budiese narançon, e sarès restade sculpide te storie de famee tant che une saete intun morâl. Il pari, sustât de sô foghe di om e paron, che al difint la famee, al veve subit cjolt nuiemancul che un picon, par copâle. La mari e zemave e ciulave, vûstu [...]
Inzenoglât su la jerbe, Pieri Snait al steve fer imobil. Dome il voli si moveve, pontât viers il cîl. Il nûl che lu faseve mateâ al jere propit intal mieç. Di frut i vevin contât che cjalant fis un nûl, chel si sarès disfat, come il sâl te aghe. Di fat, il nûl si disfave, ma si tornave ancje a [...]
Al giavà lis scarpis e i cjalçuts. Al gjavà ancje la gjachete e, pleade in doi, la pojà su la spale drete. La jarbe zovine e tenare la sintive ben sot i pîts e i plaseve di plui se jentrave tal miec dai dêts. Cuant che si sintive jù, al cirive la lûs e l’aiar come une liberazion, fûr di [...]
Maledets baracons! Mi fasin dâ i numars. Si placin tal mieç de citât, a scjafoin il trafic e mi fasin vignî il volt di stomi cun chel odoraç di fritulis e di zovenutis imbombadis intai profums des lôr maris. Nancje un puest indulà parchegjâ. Che i vegni un colp al Brucomela. E tu su po moviti cun chel catan di [...]