20 di Zenâr dal 2026

La Cjadene di Contecurte sclaride ben

Gnovis

Se il post che al spieghe ce che e je la “Cjadene di Contecurte” nol è masse clâr, o vin pensât di metius ca sot il test de Cjadene. Chel che al podarès rivâus vie mail e tirâus dentri te cjadene, o parcè di no, un test che o podaressis ancje copiâ, sielzi une peraule, e mandâlu a cualchidun che o volês che al scrivi. E come che o vin dit, se un al à voie di scrivi, nol è vietât nancje automandâsi la cjadene!
E za che o sin, ca sot, o cjatais la liste di dutis lis contis di chei che si son… incjadenâts!

Mandi!
Cheste e je une cjadene di Sant Antoni!
Dome che no te mande Sant Antoni, ma le àn inventade chei di Contecurte.
Tu sâs no mo, come che a funzionin lis cjadenis di Sant Antoni?
Jo ti ai scrit a ti, tu tu âs di fâ alc e daspò tu âs di mandâ la cjadene a cualchidun altri… e vie indenant.
Se tu ricevis cheste mail al vûl dî che o ai sielzût te, e ce che tu âs di fâ al è… scrivi une conte!
La peraule che o ai sielzude come titul par la tô conte e je: [SIELZI UNE PERAULE], o speri che ti sedi di ispirazion.
Tu âs une setemane di timp, par scrivile. No covente che a sedi biele, no covente che a sedi lungje, o curte, no covente nancje che il titul al sedi chê peraule. No covente nuie.
La libertât e je di difindi, in dì di vuê.
Se tu finissis prime di scrivi la conte, miôr, la cjadene e larà plui svelte.
Se tu crodis di no rivâ a scrivi la conte, o che tu la scrivarâs plui indenant, nol impuarte, nol è obligatori.
Ma jo ti ai sielzût parcè che o pensi che tu scrivarâs la conte e no tu crevarâs la cjadene.
Daspò di vê scrite la conte, mandile a contecurte@gmail.com, par metile sul sît, e indiche ancje il to non di cjadene, che tu sielzarâs tra i nons des stazions de metropolitane di Milan (Tu ju cjatis ca sot, o sul sît, tal messaç che al spieghe miôr di cheste gnove iniziative). La conte a vignarà publicade cun chest non.
Dopo no ti vanze che di copiâ chest messaç, cambiâ la peraule in maiuscul cuntune peraule furlane che ti plâs e sielzi cualchidun di mandâi la Cjadene di Contecurte, parcè che al partecipi ae competizion.
Cheste ultime e je la robe plui impuartante: se tu rompis la cjadene, il zûc al è finît, e al sarès un pecjât.
Se no tu rivis a scrivi la conte, l’impuartant al è mandâ indevant la cjadene.
Chei di Contecurte a sperin che la cjadene e ledi indevant par dut il 2026.
Vonde, dut ca.
Se tu âs dubis, va su www.contecurte.eu e tu cjatis dutis lis rispuestis.
E cumò… vie! Scjadeniti scrivint la conte e dopo incjadene cualchidun altri!

Firmât: un anel de Cjadene di Contecurte

_____________
Par sielzi il non dal to anel di cjadene, chestis a son lis possibilitâts (se tu vûs, met une linie sot al non che tu âs sielzût):

  • M1, Linea Rossa: Sesto 1º Maggio; Sesto Marelli; Villa San Giovanni; Precotto; Gorla; Turro; Rovereto; Pasteur; ̶L̶o̶r̶e̶t̶o̶; Lima; Porta Venezia; Palestro; San Babila; Duomo; Cordusio; Cairoli; Cadorna; Conciliazione; Pagano; Buonarroti; De Angeli; Gambara; Bande Nere; Primaticcio; Inganni; Bisceglie; Lampugnano; Uruguay; Bonola; San Leonardo; Molino Dorino; Pero; Rho
  • M2, Linea Verde: Assago Milanofiori; Famagosta; Abbiategrasso; Romolo; Porta Genova; Sant’Agostino; Sant’Ambrogio; Lanza; Moscova; Garibaldi; Gioia; Centrale FS; Caiazzo; Piola; Lambrate; Udine; Crescenzago; Cimiano; Cascina Gobba; ̶V̶i̶m̶o̶d̶r̶o̶n̶e̶; Cascina Burrona; Cernusco sul Naviglio; Villa Pompea; Bussero; Cassina de’ Pecchi; ̶V̶i̶l̶l̶a̶ ̶F̶i̶o̶r̶i̶t̶a̶; Gorgonzola; Gessate; Cologno
  • M3, Linea Gialla: Comasina; ̶A̶f̶f̶o̶r̶i̶; Dergano; Maciachini; Zara; Sondrio; Repubblica; Turati; Montenapoleone; Missori; Crocetta; Porta Romana; Lodi; Brenta; Corvetto; Porto di Mare; Rogoredo; San Donato
  • M4, Linea Blu: Linate; Repetti; Forlanini; Argonne; Susa; Dateo; Tricolore; Sforza; Santa Sofia; Vetra; De Amicis; Sant’Ambrogio; Coni Zugna; California; Bolivar; Tolstoj; Frattini; Gelsomini; Segneri; San Cristoforo
  • M5, Linea Lilla: Bignami, Ponale; Bicocca; Ca’ Granda; Istria; Marche; Isola; Monumentale; Cenisio; Gerusalemme; Domodossola; Tre Torri; Portello; Lotto; Segesta; San Siro.

Anei de Cjadene di Contecurte:

Lasse une rispueste

La tô direzion di pueste eletroniche no sarà publicade. I cjamps domandâts a son segnâts tant che *

This site uses Akismet to reduce spam. Learn how your comment data is processed.