CC24Jugn#29 – Storie di Gjino

#29 – Storie di Gjino

Gjino al jere un om cuiet e che nol disturbave nissun, al jere bon, une persone pacjifiche; al fevelave dome cuant che al coventave. Al parecipave a ducj i events dal paîs e al jere simpri il prin a colaborà cun ducj, une buine anime, di un cûr trasparent. Par chest cuant che lu cjatarin muart in chê androne, la int non crodeve che al fos sucedût pardabon, cui podevial fâ cheste robe atroç.
Gjino al jere un om solidâl cun chei altris, cui podevial copâlu. Al jere ancje solitari, nol veve famee, tal paîs al fevelave cun ducj e nol veve problemis cun nissun, ma nol veve amiis.
Al fo un dì grîs, parfin il cîl al jere in corôt, al fo un funerâl sempliç ma une vore sintût. Ogni persone e metè alc e Gjino al le vie cuntun grant mandi, flôrs che a decoravin la sô casse di muart e lis feminis lebagnavin cu lis lôr lagrimis e i oms a lu scortarin tant che sentinelis.
Une volte che lis lacrimis a si suiarin e l’aviliment si sfantâ a restarin centantis interogazions. Ce jerial sucedût a Gjino, parcé lu vevino cjatât in chê androne cuntun colp intal cjâf. La polizie e fasè une investigazion complete, e cirì segns ma la conclusion e fo deludent, siben clare, al jere stât un terribil incident. I detais no si cognosseerin, ma cheste e je la vite: un atim o sin achì e ta chel dopo no.

di Cecilia Liva (La Ciachegna)
#1688

2 comments