E se no savês ce fâ, vinars di sere, ai 28 di Avrîl, o pûr ancje se o savês ce fâ ma us covente une scuse par no fâlu, noaltris o sin ca, a Cjopris, che aromai o sin di cjase, e dulà che si davuelzarà la gnove, super, galatiche sfide furlane sul Quiz dai Mês… dopo la tape di Cjarlins, la campionesse Virilia Astridi e à difindût il titul cuintri la preparadissime Galleria Giorgie (che te puntade di Montenars lu veve gjavât des sgrifis di Raffaelli… Si che, o varìn un gnûf sfidant che no us disvelìn il non fintremai ta cheste sere…
E alore, a Cjopris, li des ex scuelis elementârs e cumò sale Polifunzionâl, in vie Nazario Sauro, dulà che za o vin mandât in sene la prime pontade di Cryptofriûl la clape cuasi al complet de nestre Ostarie us presentarà IL QUIZ DAI MÊS, la gare su la culture furlane jù pai mês dal an… gjavade drete dal nestri super libri LIS CONTIS DAL MÊS che o podês vignî a cjoli ta che sere se ancjemò no lu vês… da rest, al è il libri dal an!
E cuissà che di chi a vinars no cumbinedin une altre sorprese par il public presint… l’Ostîr al è za che al messede il çurviel!
