Tal Cryptofriûl partint di… Muçane!

E vele chi, la gnove che o spietavin di dâus di cualchi dì.

Le vês za intivade, lu savin, e o sperin propit che plui di cualchidun al vedi gust di sintîle! Il viaç tal Cryptofriûl che il nestri Ostîr al à scomençât, di za fa un an, al va indevant e al rive nuiemancul che in chel di Muçane.

Dopo i sucès des tapis precedentis, il spetacul metût dongje di dute la nestre clape e fat sù su la fonde dal libri che al à vinçût il San Simon dal an passât al va indevant e al propon nuiemancul che un viaç sù pes monts.

La trasmission televisive “Un viaç tal Cryptofriûl” e rive a Muçane, inte Villa Muciana, aes vot e mieze sot sere di vinars 21 di Otubar, e par cui che si è pierdût la prime pontade no si pues mancjâ, e ancjemò mancul par chei che a àn viodût la prime pontade e ur mancje cheste, ambientade tai bosc dulà che si cjate un nemâl straordenari come la magne di mont e dulà che – viers la fin dai agns Setante – e je capitade une vicende cetant pôc cognossude ma emblematiche pe storie resint furlane.

Il Comun di Muçane al à vût il plasê di dânus il bon acet e di un bosc a chel altri o puartarìn achì cheste storie, cun ospits internazionâi, sedin atôrs, zoolics, gjornaliscj o esperts dal deep web. Insome… une serade di no pierdi.

serade-muçane-21-otubar

Ve chi parsore la locandine in pdf, par cui che al vûl scjamâle, e ve chi l’event facebook par cui che al vûl judânus a sparniçâ l’event

O sês ducj invidâts!