CorseCurteSetembar#06 – Imprescj

#06 –  Imprescj

Biel dome viodi
chei imprescj di lavôr,
un dongje l’altri,
picjâts sù pal mûr

Cumò son che polsin
a comedâ le lôr strache,
al jutori che a àn dât
a tirâ in dilunc le barache

O darès la metât
dai miei agns in vignude,
pûr mi contassin
le lôr storie passade

Ducj chei imprescj
picjâts su chel mûr,
son sacre testemoneance
di sanc e dolôr

Ai timps di vuê
no si fruin comedons,
e son “BLACKS” e son “DEKERS”
par ducj i cjantons

Stime e rispiet
di ducj chei arnês,
sacri jutori,
di cuant i timps jerin piês

di Luciano Marinig (Potonzio)
#1364

2 comments On CorseCurteSetembar#06 – Imprescj

Leave a reply:

Your email address will not be published.

This site uses Akismet to reduce spam. Learn how your comment data is processed.

Pît di pagjine dal sît