La Gnove Panarie!

E o cjapìn une polse des contis de CorseCurte dal mês di Lui par visâus che intai piês bars di Caracas e tes miôr libreriis e ediculis furlanis o podês cjatâ la Panarie! La storiche riviste furlane che o vin ancjemò di lei ma o vin vût une soflade de nestre Sartore che nus à mandât cheste imagjin che us regalìn par stiçâus.

Intal nestri cjantonut de Osterie, come che o savês, a tornin a cjapâ vite contis vieris o pûr a vegnin metudis su cjarte contis gnovis, e chest al è un fat. Ma ogni tant al capite che a vegni publicade cualchi robe inedite, come cheste storie in cunvigne tra l’Ostîr e i Piçui Aiutants di Contecurte Ricart e Jacum, che le àn ancje insiorade cuntun dai lôr dissens. Insome… za chest al bastarès par cjoli la Panarie.

E difat noaltris no us spiìn nancje cualis altris contis che o vin publicadis. Us podin dome spiâ che a son stadis publicadis dôs contis gjavadis de Corse Curte, une dal Sporting Brugnul e une dal Real Cocâl, ma no us disìn cualis. E daspò dôs contis vecjis di une ostarie di un pôcs di agns indaûr… Insome… il nestri cjantonut lu vin metût adun.

O o sin sigûrs che jenfri dai tancj articui de riviste al è sigûr une vore di robe interessante ancje par voaltris.

1 coments On La Gnove Panarie!

  • E cussi ancje contecurte cun corsecurte e contribuis a meti dentri te panarie le sô bondance leterarie. Compliments a Ricârt e Jacun a dâ une man a la sflendorôse ostarie. Lussian

Lasse une rispueste:

La tô direzion di pueste eletroniche no sarà publicade.

This site uses Akismet to reduce spam. Learn how your comment data is processed.

Pît di pagjine dal sît